ചെന്നൈ : ചെന്നൈയില് കനത്ത മഴയെ തുടര്ന്ന് നഗരത്തിന്റെ പല താഴ്ന്ന പ്രദേശങ്ങളിലും വെളളം കയറി. ഇന്നലെ രാത്രി ആരംഭിച്ച മഴയിലാണ് വെളളപ്പൊക്കം രൂപപ്പെട്ടത്. വരും മണിക്കൂറുകളിലും കനത്ത മഴ തുടരുമെന്ന് കാലാവസ്ഥാ നിരീക്ഷണകേന്ദ്രം അറയിച്ചു.
വടക്കുകിഴക്കന് മണ്സൂണ് ശക്തമായതോടെയാണ് ചെന്നൈയില് മഴ കനത്തത്. നുങ്കംപാക്കം, മീനമ്പക്കം മേഖലകളില് 20 സെന്റീമീറ്റര് വരെ മഴ രേഖപ്പെടുത്തി. മൈലാപ്പൂര്, എഗ്മൂര്, തിരുവാന്മിയൂര് എന്നീ സ്ഥലങ്ങളില് ചിലയിടങ്ങളില് വീടുകളില് വെളളം കയറിയുകയും മരങ്ങള് കടപുഴകി വീഴുകയും ചെയ്തു. മറ്റു നാശനഷ്ടങ്ങള് റിപ്പോര്ട്ട് ചെയ്തിട്ടില്ല. ചെങ്കല്പേട്ട്, തിരുവളളൂര്, കാഞ്ചീപുരം തുടങ്ങിയ സ്ഥലങ്ങളില് മഴ തുടരുകയാണ്.റെഡ് ഹില്സ്, തിരുവല്ലൂര്, തിരുട്ടാനി എന്നിവിടങ്ങളില് ശക്തമായ മഴ ലഭിക്കുമെന്ന് കാലാനസ്ഥാ നിരീക്ഷണ കേന്ദ്രം അറിയിച്ചു.