ജാമിയ നഗറിലെ എന്ഐഎ റെയ്ഡുകള് തടസപ്പെടുത്തിയതിന് എഎപി എംഎല്എയ്ക്കെതിരെ കേസ്.അമാനത്തുളള ഖാനെതിരെയാണ് ദില്ലി പോലിസ് നടപടി. സര്ക്കാര് ജീവനക്കാരുടെ കൃത്യനിര്വഹണം തടസപ്പെടുത്തി എന്ന് എന്ഐഎ ഡിഎസ്പി പരാതി നല്കി.
വ്യാഴാഴ്ച്ച ജാമിയ നഗറില് രണ്ട് സ്ഥലങ്ങള് എന്ഐഎ റെയ്ഡ് ചെയ്തു. മുന് ന്യൂനപക്ഷ കമ്മീഷന് മേധാവി സഫറുല് ഇസ്ലാം ഖാന്റെ ജീവകാരുണ്യ സംഘടനയിലെ റൈയ്ഡാണ് എഎപി എംഎല്എയും സംഘവും തടസപ്പെടുത്തിയത്. തിരിച്ചുപോകാനൊരുങ്ങിയ എന്ഐഎ ഉദ്യോഗസ്ഥരെ തടയുകയും അവര്ക്കെതിരെ മുദ്രാവാക്യം വിളിക്കുകയും ചെയ്തു എന്ന് പരാതിയില് വ്യക്തമാക്കുന്നു. ജമ്മുകശ്മീരിലെ വിഘടനവാദ പ്രവര്ത്തനങ്ങള്ക്ക് പണമെത്തുന്നതുമായി ബന്ധപ്പെട്ട് രാജ്യത്തെ വിവിധയിടങ്ങളില് എന്ഐഎ റൈയ്ഡ് നടത്തിയിരുന്നു. അതേസമയം ശ്രീനഗറിലെ ആറ് എന്ജിഒകളിലും ട്രസ്റ്റുകളിലും ഡല്ഹിയിലെ ജീവകാരുണ്യ കേന്ദ്രങ്ങളിലുമാണ് റൈയ്ഡ് നടന്നത്. ഭീകരവാദ പ്രവര്ത്തനങ്ങള്ക്കായി കളളപ്പണം ഉപയോഗിക്കുന്നു എന്ന വിവരത്തെ തുടര്ന്നാണ് റൈയ്ഡ് നടന്നത്.ഇത്തരത്തിലുളള ട്രസ്റ്റുകളുടെ പേരിലും ജീവകാരുണ്യസംഘടനകളുടെ പേരിലും വിദേശത്തുനിന്നും ഇന്ത്യയില് നിന്നുമെല്ലാം ഭീകരവാദ പ്രവര്ത്തനങ്ങള്ക്കായുളള ധനസമാഹരണം നടത്തുന്നു എന്നാണ് എന്ഐഎയുടെ കണ്ടെത്തല്.