സൂറത്ത്: സ്വര്‍ണത്താളില്‍ പൊതിഞ്ഞുള്ള മധുരം വിപണിയിലിറക്കി 24 കാരറ്റ് മിടായി മാജിക് എന്ന മധുരപലഹാരക്കട. ഗുജറാത്തിലെ സൂരത്തിലാണ് സംഭവം. ഗോള്‍ഡ് ഘാരി എന്നാണ് ഈ സ്വീറ്റിന്റെ പേര്.
ഹിന്ദു കലണ്ടര്‍ പ്രകാരം ശരത് പൂര്‍ണിമയ്ക്ക് ശേഷമുളള അവസാന പൗര്‍ണമി ദിനമാണ് ഗുജറാത്തികളുടെ ചണ്ടി പട്‌വോ ആഘോഷം. അന്ന് കഴിക്കുന്ന മധുരമാണ് ഘാരി. ഇതിന്റെ മറ്റൊരു പതിപ്പാണ് ഗോള്‍ഡ് ഘാരി എന്ന് കടയുടമ റോഹന്‍ പറഞ്ഞു. ഒരു കിലോ ഗോള്‍ഡ് ഘാരിയ്ക്ക് ഒമ്പതിനായിരം രൂപയാണ് വില.സാധാരണ ഘരി ഒരു കിലോയ്ക്ക് 660 രൂപ മുതല്‍ 820 രൂപ വരെയാണ് വില വരുന്നത്.ഈ മധുരം ആരോഗ്യത്തിന് നല്ലതാണെന്നും ആയുര്‍വേദത്തില്‍ സ്വര്‍ണം വളരെ ഗുണങ്ങളുളള ലോഹമായാണ് കരുതുന്നതെന്നും കടയുടമ പറയുന്നു. വിപണി മന്ദഗതിയിലായതിനാല്‍ മധുരപലഹാരത്തിന്റെ ഡിമാന്റ് കരുതിയതിലും താഴെയാണ്. വരും ദിവസങ്ങളില്‍ നല്ല പ്രതികരണം ലഭിക്കുമെന്ന് പ്രതീക്ഷിക്കുന്നതായും കടയുടമ വ്യക്തമാക്കി.
