യവജന ക്ഷേമ ബോര്ഡ് വൈസ് ചെയര്മാന് പി ബിജു (42) അന്തരിച്ചു. കൊവിഡ് ബാധിച്ച് ചികിത്സയിലിരിക്കെ ബിജുവിന്റെ വൃക്കകൾ പ്രവർത്തനരഹിതമായിരുന്നു. പിന്നീട് കൊവിഡ് നെഗറ്റീവായിരുന്നുവെങ്കിലും കൊവിഡ് ബാധ ആന്തരികാവയവങ്ങൾക്കേൽപ്പിച്ച ആഘാതമാണ് മരണത്തിലേക്ക് നയിച്ചത്. നിലവില് തിരുവനന്തപുരം ജില്ലാ കമ്മിറ്റിയംഗമാണ്.
ഒക്ടോബർ 21നാണ് കോവിഡ് സ്ഥിരീകരിക്കുന്നത്.പത്ത് ദിവസത്തിന്ശേഷം കോവിഡ് നെഗറ്റീവ് ആയെങ്കിലും മറ്റ് അസുഖങ്ങൾ വർദ്ധിച്ചു. ഉയർന്ന പ്രമേഹവും രക്തസമ്മർദ്ദവും ഉണ്ടായിരുന്നു. വൃക്കകൾ തകറാറിലായതിനെ തുടർന്ന് ഒരാഴ്ചയായി ഡയാലിസ് ചെയ്തിരുന്നു.
സ്വാശ്രയ വിദ്യാഭ്യാസ നയത്തിനെതിരെ നടത്തിയ സമരപോരാട്ടങ്ങളിലൂടെയാണ് ബിജു രാഷ്ട്രീയ ശ്രദ്ധ നേടുന്നത്. ശാരീരിക പരിമിതികൾ പോലും മറികടന്നായിരുന്നു ആർട്സ് കൊളേജിലെ സാധാരണ പ്രവർത്തകനിൽ നിന്നും എസ്എഫ്ഐ സംസ്ഥാന സെക്രട്ടറിയിലേക്കുള്ള അദ്ദേഹത്തിന്റെ വളര്ച്ച. ഏതു പ്രതിസന്ധിയിലും പാർട്ടിക്ക് മുന്നിൽ നിർത്താൻ കഴിയുന്ന യുവനേതാവാണ് അകാലത്തിലെ വിടവാങ്ങിയത്.