ഡല്ഹി: രാജ്യത്തെ കൊവിഡ് വ്യാപനത്തില് വീണ്ടും വര്ധനവ്. കഴിഞ്ഞ 24 മണിക്കൂറിനുള്ളില് 50,356 കൊവിഡ് കേസുകളാണ് രാജ്യത്ത് റിപ്പോര്ട്ട് ചെയ്തത്. ഇതോടെ മൊത്തം കൊവിഡ് രോഗികളുടെ എണ്ണം 84,62,081 ആയതായി കേന്ദ്ര ആരോഗ്യ മന്ത്രാലയം അറിയിച്ചു. കഴിഞ്ഞ 24 മണിക്കൂറിനുള്ളില് 577 പേര്ക്ക് ജീവന് നഷ്ടമായതോടെ രാജ്യത്ത് കൊവിഡ് ബാധിച്ച് മരണപ്പെട്ടവരുടെ എണ്ണം 1,25,562 ആയി. 1.49 ശതമാനമാണ് രാജ്യത്തെ മരണനിരക്ക്. 5,16,632 പേരാണ് ഇപ്പോള് ചികിത്സയില് ഉള്ളത്.
ഇന്നലെ 53,920 പേര് കൊവിഡ് മുക്തരായി. ഇതോടെ രാജ്യത്ത് മൊത്തം 78 ലക്ഷത്തിലധികം പേര് കൊവിഡ് മുക്തി നേടിയതായി കേന്ദ്ര ആരോഗ്യ മന്ത്രാലയം അറിയിച്ചു. രാജ്യത്തെ രോഗമുക്തി നിരക്ക് ഇതോടെ 92.4 ശതമാനമായി ഉയര്ന്നു. ഇതുവരെ 11 കോടിയിലധികം സാമ്പിളുകളാണ് പരിശോധിച്ചത്.
കേരളത്തിൽ കഴിഞ്ഞ 24 മണിക്കൂറിനിടെ 7002 കേസുകളാണ് റിപ്പോർട്ട് ചെയ്തത്. ഇതോടെ സംസ്ഥാനത്തെ മൊത്തം കൊവിഡ് രോഗബാധിതർ നാല് ലക്ഷം കടന്നു. കഴിഞ്ഞ ദിവസത്തെ കണക്കുകള് അനുസരിച്ച് 27 പേരാണ് കേരളത്തില് കൊവിഡ് ബാധിച്ച് മരിച്ചത്. നിലവില് 4 കോടിയിലധികം കൊവിഡ് കേസുകളാണ് ലോകത്ത് റിപ്പോര്ട്ട് ചെയ്യപ്പെട്ടത്. ലോകത്ത് ഏറ്റവും കൂടുതല് കൊവിഡ് ബാധിതരുള്ള രാജ്യം അമേരിക്കയാണ്. ഇന്ത്യ രണ്ടാം സ്ഥാനത്തും ബ്രസീല് മൂന്നാം സ്ഥാനത്തുമാണ്.