കൊച്ചി: സിപിഎം നേതാവും മുന്‍ എംഎല്‍എ യുമായ എം നാരായണന്‍ അന്തരിച്ചു. കൊവിഡ്‌ ബാധിച്ച് ചികിത്സയിലായിരുന്നു. കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. ഈ മാസം 6 ന് രാത്രിയോടെയാണ് നില വഷളായതിനെ തുടര്‍ന്ന് എം നാരായണനെ കൊച്ചിയിലെ സ്വകാര്യ ആശുപത്രിയിലേക്ക് മാറ്റിയത്. പാലക്കാട് ജില്ലാ ആശുപത്രിയില്‍ തീവ്ര പരിചരണ വിഭാഗത്തില്‍ നിന്നാണ് കൊച്ചിയിലേക്ക് കൊണ്ടുവന്നത്. ഇന്ന് രാവിലെ മരണം സംഭവിക്കുകയായിരുന്നു.
പാലാക്കാട് ജില്ലയിലെ കുഴല്‍മന്ദം മണ്ഡലത്തില്‍ നിന്ന് രണ്ടു തവണ നിയമസഭയിലേക്ക് തെരഞ്ഞെടുക്കപ്പെട്ടിട്ടുണ്ട്. നിലവില്‍ പാലക്കാട് കോ ഓപറേറ്റിവ് അര്‍ബന്‍ ബാങ്ക് ചെയര്‍മാനാണ്.
എം നാരായണന്റെ നിര്യാണത്തില്‍ സാംസ്കാരിക മന്ത്രി എ കെ ബാലന്‍ അനുശോചിച്ചു. പ്രവര്‍ത്തിച്ച എല്ലാ രംഗത്തും മികച്ച സേവനം നടത്തിയ നേതാവാണ്‌ എം നാരായാണന്‍ എന്ന് മന്ത്രി ബാലന്‍ പറഞ്ഞു.
