ട്വിറ്ററില്‍ നിന്ന് കേന്ദ്ര ആഭ്യന്തര മന്ത്രി അമിത് ഷായുടെ പ്രൊഫൈല്‍ ചിത്രം നീക്കം ചെയ്തത് അശ്രദ്ധ മൂലമാണെന്ന് ട്വിറ്റര്‍. പകര്‍പ്പവകാശ നയങ്ങള്‍ക്കു കീഴില്‍ അമിത്ഷായുടെ അക്കൗണ്ട് ലോക്ക് ചെയ്യേണ്ടി വന്നത് പിഴവു പറ്റിയതാണെന്ന് ട്വിറ്റര്‍ വക്താവ് പറഞ്ഞു. തെറ്റ് തിരിച്ചറിഞ്ഞയുടന്‍ ലോക്ക് മാറ്റി, അക്കൗണ്ട് ഇപ്പോള്‍ പൂര്‍ണ്ണമായും പ്രവര്‍ത്തനക്ഷമമാണെന്നും ട്വിറ്റര്‍ അറിയിച്ചു .
23.6 ദശലക്ഷം ഫോളോവേഴ്‌സുളള അമിത്ഷായുടെ ട്വിറ്റര്‍ അക്കൗണ്ടില്‍ നിന്ന് വ്യാഴാഴ്ച്ച പ്രൊഫൈല്‍ ചിത്രം നീക്കം ചെയ്യപ്പെടുകയായിരുന്നു. ഷായുടെ പ്രൊഫൈലില്‍ ക്ലിക്ക് ചെയ്യുമ്പോള്‍ ശൂന്യമായ ഒരു പേജിലേക്കായിരുന്നു പോയിരുന്നത്. അക്കൗണ്ട് പിന്നീട് പുനസ്ഥാപിച്ചെങ്കിലും മറ്റ് വിശദാംശങ്ങള്‍ പുറത്തുവിടാന്‍ ട്വിറ്റര്‍ തയാറായില്ല. അമിത്ഷായുടെ പ്രൊഫൈല്‍ ചിത്രം നീക്കം ചെയ്തതില്‍ വിശദീകരണം തേടി കേന്ദ്ര ഇലക്ട്രോണിക് ഇന്‍ഫോര്‍മേഷന്‍ ടെക്‌നോളജി മന്ത്രാലയം ട്വിറ്ററിന് നോട്ടീസ് അയച്ചിരുന്നു.
ലേ യെ ജമ്മുകാശ്മീന്റെ ഭാഗമായി കാണിച്ചുകൊണ്ടുളള ചിത്രത്തിനെതിരെ നടപടി എടുക്കേണ്ടതില്ല എന്നും അതിനുളള കാരണവും കത്തില്‍ വ്യക്തമാക്കുന്നു. അതേസമയം ലേ ലഡാക്കിന്റെ ഭാഗമാണെന്നും ജമ്മു കാശ്മീരിന്റെതായെന്നു കാണിക്കാനുളള മാപ്പ് ഇല്ല എന്നും ട്വിറ്റര്‍ പറഞ്ഞിരുന്നു.
