നടിയും ബിജെപി നേതാവുമായ ഖുശ്ബു സുന്ദർ സഞ്ചരിച്ച കാർ അപകടത്തിൽപ്പെട്ടു. ഖുശ്ബുവിന് പരുക്കേറ്റിട്ടില്ല. തമിഴ്നാട്ടിലെ മെൽമരുവത്തൂർ പട്ടണത്തിന് സമീപത്തു വെച്ചാണ് അപകടം നടന്നത്. ഖുശ്ബുവിന്റെ കാറും ടാങ്കർ ലോറിയുമായി കൂട്ടിയിടിക്കുകയായിരുന്നു. ബിജെപി സംഘടിപ്പിക്കുന്ന വേൽയാത്രയിൽ പങ്കെടുക്കാൻ കടലൂരിലേക്ക് പോവുകയായിരുന്നു ഖുശ്ബു. അപകടം സംബന്ധിച്ച വിവരം ഖുശ്ബു തന്നെയാണ് ട്വിറ്ററിൽ വിവരം പങ്കുവെച്ചത്.
മെൽമർവത്തൂരിനടുത്ത് അപകടമുണ്ടായി. ടാങ്കർ കാറിലേക്ക് ഇടിച്ചുകയറി. നിങ്ങളുടെ അനുഗ്രഹത്തോടും ദൈവകൃപയോടും കൂടി ഞാൻ സുരക്ഷിയാണ്- ഖുശ്ബു ട്വിറ്ററിൽ കുറിച്ചു. വേൽയാത്രായിയിൽ പങ്കെടുക്കാൻ കടലൂരിലേക്കുള്ള യാത്ര തുടരും. മുരുകൻ രക്ഷിച്ചു എന്നും ഖുശ്ബു ട്വിറ്ററിൽ കുറിച്ചു.
റോഡിന്റെ വലതുവശത്തുകൂടെ സഞ്ചരിക്കുകയായിരുന്ന തന്റെ കാറിലേക്ക് ദിശതെറ്റിവന്ന ലോറി ഇടിക്കുകയായിരുന്നെന്ന് മറ്റൊരു ട്വീറ്റിൽ ഖുശ്ബു കുറിച്ചു. സംഭവത്തിൽ ദുരൂഹതയുണ്ടെന്നും ഖുശ്ബു ആരോപിച്ചു. പൊലീസ് കേസെടുത്ത് അന്വേഷണം ആരംഭിച്ചു. കോൺഗ്രസ് നേതാവായിരുന്ന ഖുശ്ബു ഒരു മാസം മുമ്പാണ് ബിജെപിയിൽ ചേർന്നത്.