എയര്‍ ഇന്ത്യ വിമാനങ്ങള്‍ക്ക് വീണ്ടും വിലക്കേര്‍പ്പെടുത്തി ഹോങ് കോങ്

ന്യൂഡല്‍ഹി: എയര്‍ ഇന്ത്യ വിമാനങ്ങള്‍ക്ക് വീണ്ടും വിലക്കേര്‍പ്പെടുത്തി ഹോങ് കോങ്. ഡിസംബര്‍ 3 വരെയാണ് വിലക്ക്. കഴിഞ്ഞ ദിവസം വിമാനത്തില്‍ യാത്ര ചെയ്ത ചിലര്‍ക്ക് രോഗം സ്ഥിരീകരിച്ചതിനു പിന്നാലെയാണ് ഹോങ് കോങിന്റെ നടപടി. ഇത് അഞ്ചാമത്തെ തവണയാണ് എയര്‍ ഇന്ത്യയുടെ ഇന്ത്യയില്‍ നിന്നുളള വിമാനത്തിന് ഹോങ് കോങ് വിലക്കേര്‍പ്പെടുത്തുന്നത്. കഴിഞ്ഞ നാലു തവണയും എയര്‍ ഇന്ത്യ വിമാനത്തില്‍ സഞ്ചരിച്ച യാത്രക്കാര്‍ക്ക് രോഗം സ്ഥിരീകരിച്ചതിനെത്തുടര്‍ന്നായിരുന്നു വിമാനങ്ങള്‍ വിലക്കിയത്.

കൊറോണ നെഗറ്റീവ് സര്‍ട്ടിഫിക്കറ്റ് ഉണ്ടെങ്കില്‍ മാത്രമേ ഇന്ത്യയില്‍ നിന്നുളള യാത്രക്കാര്‍ക്ക് ഹോങ് കോങിലേക്ക് പ്രവേശനം അനുവധിക്കുകയുളളു. യാത്രയ്ക്ക് 72 മണിക്കൂര്‍ മുന്‍പാണ് യാത്രികര്‍ കൊവിഡ് ടെസ്റ്റിനു വിധേയരാകേണ്ടത്. അതിനുശേഷം വിമാനത്താവളത്തില്‍ പോസ്റ്റ് ഫ്‌ലൈറ്റ് കൊവിഡ് പരിശോധനയും നടത്തണം. ഡല്‍ഹി-ഹോങ് കോങ് വിമാനങ്ങള്‍ക്ക് ആഗസ്റ്റ് 18 മുതല്‍ 31 വരെയും, സെപ്റ്റംബര്‍ 20 മുതല്‍ ഒക്ടോബര്‍ 3 വരെയും പിന്നീട് ഒക്ടോബര്‍ 17 മുതല്‍ 30 വരെയും, മുംബൈ-ഹോങ് കോങ് വിമാനങ്ങള്‍ക്ക് ഒക്ടോബര്‍ 28 മുതല്‍ നവംബര്‍ 10 വരെയുമായിരുന്നു ഹോങ് കോങ് നിരോധനം ഏര്‍പ്പെടുത്തിയിരുന്നത്.

അതേസമയം വന്ദേ ഭാരത് മിഷന്റെ ഭാഗമായി പ്രത്യേക അന്താരാഷ്ട്ര വിമാന സര്‍വീസുകള്‍ നടത്താന്‍ ഇന്ത്യയ്ക്ക് അനുമതിയുണ്ട്. ഇരു രാജ്യങ്ങളുടെയും എയര്‍ലൈന്‍സുകള്‍ക്ക് ചില നിയന്ത്രണങ്ങളോടുകൂടി അന്താരാഷ്ട്ര സര്‍വീസ് നടത്താന്‍ കഴിയും. ഏകദേശം ഇരുപതോളം രാജ്യങ്ങളുമായി ഇന്ത്യ കരാറുണ്ടാക്കിയിട്ടുണ്ട്.


Contact the author

International Desk

Recent Posts

International

ചരിത്രത്തിലാദ്യമായി മിസ് യൂണിവേഴ്‌സ് മത്സരത്തില്‍ പങ്കെടുക്കാൻ അനുമതി നൽകി സൗദി അറേബ്യ

More
More
International

യുഎസിൽ ചരക്കുകപ്പലിടിച്ച് കൂറ്റന്‍ പാലം തകര്‍ന്നു

More
More
International

യുഎന്‍ രക്ഷാസമിതി ഗാസ വെടിനിര്‍ത്തല്‍ പ്രമേയം പാസാക്കി; അമേരിക്ക വിട്ടുനിന്നു

More
More
International

റിയാദില്‍ ലോകത്തിലെ ആദ്യ 'ഡ്രാഗണ്‍ ബാള്‍ തീം പാര്‍ക്ക്' ഒരുങ്ങുന്നു

More
More
International

ഈ ബീച്ചുകളില്‍ നിന്നും കല്ല് പെറുക്കിയാല്‍ രണ്ട് ലക്ഷം പിഴ

More
More
International

മോസ്കോയിൽ ഭീകരാക്രമണം: 60 പേർ കൊല്ലപ്പെട്ടു, 145 പേര്‍ക്ക് പരിക്ക്

More
More