ജോ ബൈഡന് യുഎസ് പ്രസിഡന്റ് അക്കൗണ്ട് നല്‍കാനൊരുങ്ങി ട്വിറ്റര്‍

വാഷിംഗ്‌ടണ്‍: നിയുക്ത യുഎസ് പ്രസിഡന്റ് ജോ ബൈഡന് അക്കൗണ്ട് നല്‍കാനൊരുങ്ങി ട്വിറ്റര്‍. യുഎസ് പ്രസിഡന്റ് തെരഞ്ഞെടുപ്പില്‍ പരാജയം സമ്മതിക്കാന്‍ ഡൊണാള്‍ഡ് ട്രംപ് ഇപ്പോഴും തയാറായിട്ടില്ല. ഈ ഘട്ടത്തിലാണ് യുഎസ് പ്രസിഡന്റ് അക്കൗണ്ടിന്റെ ഉടമസ്ഥാവകാശം ബൈഡനു നല്‍കാനുളള ട്വിറ്ററിന്റെ നീക്കം. 2021 ജനുവരി 20 ന് ട്വിറ്റര്‍ അക്കൗണ്ട് ഉടമസ്ഥത ബൈഡന് കൈമാറാനാണ് ട്വിറ്ററിന്റെ തീരുമാനം.

2017ല്‍ പ്രസിഡന്റ് സ്ഥാനമാറ്റത്തിന്റെ സമയത്ത് ചെയ്തതുപോലെ നാഷണല്‍ ആര്‍ക്കൈവ്‌സ് ആന്‍ഡ് റെക്കോര്‍ഡ്‌സ് അഡ്മിനിസ്‌ട്രേഷനുമായി കൂടിയാലോചിച്ചാണ് നടപടികള്‍ എന്ന് ട്വിറ്റര്‍ പ്രതിനിധി പറഞ്ഞു. @POTUS എന്ന അക്കൗണ്ടാണ് ബൈഡന് കൈമാറുക. @WHITE HOUSE, @VP, @FLOTUS എന്നിവയുള്‍പ്പെടെയുളള അക്കൗണ്ടുകളുടെ ഉടമസ്ഥാവകാശം മാറ്റുകയും അവ പുതിയ യുഎസ് ഭരണാധികാരികളിലേക്ക് കൈമാറുകയും ചെയ്യും. 

അതേസമയം ഡൊണാള്‍ഡ് ട്രംപിന്റെ സ്വകാര്യ അക്കൗണ്ടായ @realDonaldTrump നിയന്ത്രണം ട്രംപിനു തന്നെയായിരിക്കും. എന്നാല്‍  പ്രസിഡന്റ് എന്ന നിലയില്‍ ട്രംപിന്റെ അക്കൗണ്ടിന് ലഭിച്ചിരുന്ന പ്രത്യേക പരിരക്ഷ ഇനിയുണ്ടാവില്ല. ഇനിമുതല്‍ ട്രംപിന്റെ അക്കൗണ്ടിന് സാധാരണ ഉപയോക്താക്കള്‍ക്ക് ബാധകമായ നിയമങ്ങള്‍ അനുസരിക്കേണ്ടതായി വരും. ട്വിറ്ററില്‍ ഏറ്റവും കൂടുതല്‍ ഫോളോവേഴ്‌സുളളത് മുന്‍ അമേരിക്കന്‍ പ്രസിഡന്റ് ബരാക്ക് ഒബാമയ്ക്കാണ്. ട്രംപ് 89 മില്ല്യണ്‍ ഫോളോവേഴ്‌സുമായി ആറാം സ്ഥാനത്താണ്. 63 മില്ല്യണ്‍ ഫോളോവേഴ്‌സുമായി ഇന്ത്യന്‍ പ്രധാനമന്ത്രി നരേന്ദ്രമോദി പതിനഞ്ചാം സ്ഥാനത്താണ്.

Contact the author

International Desk

Recent Posts

International

മുഴുവന്‍ വനിത അംഗങ്ങളുമായി ബൈഡന്റെ വൈറ്റ് ഹൗസ് പ്രസ് ടീം

More
More
International

ചാവേറാക്രമണം: 30 അഫ്ഗാൻ സുരക്ഷാ ഉദ്യോഗസ്ഥർ കൊല്ലപ്പെട്ടു

More
More
International

വളര്‍ത്തുനായയുമായി കളിക്കുന്നതിനിടെ ജോ ബൈഡനു പരിക്ക്

More
More
International

ഇന്ത്യന്‍ അമേരിക്കന്‍ വംശജയായ നീര ടാന്‍ടനെ ഭരണസമിതിയില്‍ നിയമിക്കാനൊരുങ്ങി ജോ ബൈഡന്‍

More
More
International

ട്രംപിന്റെ പെന്‍സില്‍വേനിയയിലെ കേസും തളളി യു.എസ് അപ്പീല്‍ കോടതി

More
More
International

ആണവ ശാസ്ത്രജ്ഞനെ കൊന്നത് ഇസ്രായേലും യു.എസുമാണെന്ന് ഇറാന്‍

More
More