റെയില്‍വേ ഉപരോധം താല്‍ക്കാലികമായി അവസാനിപ്പിക്കുകയാണെന്ന് പഞ്ചാബിലെ കര്‍ഷകര്‍

ചണ്ഡിഗഢ്: പഞ്ചാബില്‍ റെയില്‍വേ ഉപരോധം അവസാനിപ്പിക്കാനൊരുങ്ങി കര്‍ഷകര്‍. കേന്ദ്രത്തിന്റെ പുതിയ കാര്‍ഷിക നിയമങ്ങള്‍ക്കെതിരായി രണ്ടുമാസത്തോളമായി  നീണ്ടുനില്‍ക്കുന്ന റെയില്‍വേ ഉപരോധം അവസാനിപ്പിക്കാന്‍ തീരുമാനിച്ചതായി പഞ്ചാബിലെ കര്‍ഷക സംഘടനകള്‍ പ്രഖ്യാപിച്ചു. കേന്ദ്രസര്‍ക്കാരിന്റെ കാര്‍ഷിക നിയമങ്ങള്‍ കര്‍ഷകരുടെ താല്‍പര്യങ്ങള്‍ക്കെതിരാണ് എന്നാണ് കര്‍ഷകരുടെ വാദം.

അതേസമയം കാര്‍ഷിക നിയമങ്ങള്‍ പിന്‍വലിക്കുന്നത് സംബന്ധിച്ച് തീരുമാനം 15 ദിവസങ്ങള്‍ക്കുളളില്‍ അറിയിക്കണമെന്നും അതല്ലെങ്കില്‍ ഉപരോധം പുനരാരംഭിക്കുമെന്നും കര്‍ഷക സംഘടനകള്‍ വ്യക്തമാക്കി. പഞ്ചാബിലെ കാര്‍ഷിക സംഘടനകളുടെ ഉപരോധം അവസാനിപ്പിക്കാനായി മുഖ്യമന്ത്രി അമരീന്ദര്‍ സിംഗ് 31 കാര്‍ഷിക സംഘടനാ നേതാക്കളുമായി ചര്‍ച്ച നടത്തിയിരുന്നു. ശനിയാഴ്ച്ച നടന്ന ചര്‍ച്ചയ്‌ക്കൊടുവിലാണ് ഉപരോധം അവസാനിപ്പിക്കാന്‍ കര്‍ഷകര്‍ തീരുമാനിച്ചത്. ' കിസാന്‍ യൂണിയനുകളുമായി ചര്‍ച്ച നടത്തി, നവംബര്‍ 23 മുതല്‍ 15 ദിവസത്തേക്ക് റെയില്‍വേ ഉപരോധം നിര്‍ത്തിവയ്ക്കാനുളള സംഘടനകളുടെ തീരുമാനത്തില്‍ സന്തോഷമുണ്ട്. ഇത് നമ്മുടെ സമ്പദ് വ്യവസ്ഥയെ പുനസ്ഥാപിക്കും. ഉടന്‍ തന്നെ പഞ്ചാബിലേക്കുളള ട്രെയിന്‍ സര്‍വീസുകള്‍ പുനരാരംഭിക്കാന്‍ കേന്ദ്രത്തോട് അഭ്യര്‍ഥിക്കുന്നതായും' അമരീന്ദര്‍ സിംഗ് ട്വീറ്റ് ചെയ്തു.

15 ദിവസങ്ങള്‍ക്കുളളില്‍ കാര്‍ഷിക നിയമങ്ങള്‍ പിന്‍വലിക്കുന്നതിനെക്കുറിച്ചുളള തീരുമാനം കേന്ദ്രം അറിയിച്ചില്ലെങ്കില്‍ ഉപരോധം തുടരുമെന്ന് കര്‍ഷക സംഘടനകള്‍ പറഞ്ഞു. കര്‍ഷകരുടെ ആവശ്യങ്ങള്‍ ഉയര്‍ത്തിക്കാട്ടി പ്രധാനമന്ത്രിയെയും കേന്ദ്ര ആഭ്യന്തര മന്ത്രിയെയും ഉടന്‍ സന്ദര്‍ശിക്കുമെന്ന് മുഖ്യമന്ത്രി അമരീന്ദര്‍ സിംഗ് ഉറപ്പു നല്‍കി.


Contact the author

National Desk

Recent Posts

National Desk 8 hours ago
National

ഇഡി ഇനിയും വരും, പിറകെ മോദിയും ഷായും വരും, എല്ലാം എന്റെ വോട്ടുവിഹിതം കൂട്ടും- മഹുവ മൊയ്ത്ര

More
More
National Desk 9 hours ago
National

'1700 കോടി രൂപ പിഴയടയ്ക്കണം'; കോൺഗ്രസിന് ആദായനികുതി വകുപ്പിന്റെ നോട്ടീസ്

More
More
National Desk 1 day ago
National

ബട്ടര്‍ ചിക്കനെ ചൊല്ലിയുളള നിയമയുദ്ധം തുടരുന്നു; ഡല്‍ഹി ഹൈക്കോടതിയില്‍ പുതിയ ഹര്‍ജി

More
More
National Desk 1 day ago
National

മണിപ്പൂരില്‍ ഈസ്റ്ററിന് അവധിയില്ല; സർക്കാർ ഓഫീസുകൾ പ്രവർത്തിക്കണമെന്ന് ഉത്തരവ്

More
More
National Desk 1 day ago
National

സീറ്റ് ലഭിക്കാത്ത മനോവിഷമത്തിൽ ആത്മഹത്യക്ക് ശ്രമിച്ച ഈറോഡ് എംപി അന്തരിച്ചു

More
More
National Desk 1 day ago
National

1996-ലെ മയക്കുമരുന്ന് കേസ്; സഞ്ജീവ് ഭട്ട് കുറ്റക്കാരനാണെന്ന് കോടതി

More
More