റിയാദ്: മലയാളി പ്രവാസികള് ഏറ്റവും കൂടുതലുള്ള ഗള്ഫ് രാജ്യമായ സൗദി അറേബ്യയില് കൊവിഡ് വ്യാപനത്തിന് ശമനം. വാര്ത്ത മലയാളി പ്രാവാസികള്ക്ക് വലിയ ആശ്വാസമാവുകയാണ്. കഴിഞ്ഞ 24 മണിക്കൂറിനിടെ വെറും 250 ഓളം പേര്ക്ക് മാത്രമാണ് രോഗം സ്ഥിരീകരിച്ചത്. അതേ സമയം അതിന്റെ ഇരട്ടി ആളുകള്ക്ക് രോഗം ഭേദമായി. ഇത് രാജ്യത്തെ സമ്പദ് വ്യവസ്ഥയ്ക്ക് ഉണര്വ് നല്കിയിട്ടുണ്ട്. കഴിഞ്ഞ കുറച്ചു ദിവസങ്ങളായി ഈ ട്രെന്ഡ് തുടരുകയാണ്.
നാട്ടിലെത്തി തിരിച്ചു പോകാന് കഴിയാത്തവര്ക്ക് പുതിയ വാര്ത്ത ആശ്വാസമാവുകയാണ്. രോഗവ്യാപനം കുറയുന്നതോടെ കമ്പനികള്, ലീവിന് പോയ പ്രവാസി ജീവനക്കാര്ക്ക് തിരിച്ചുവരാനുള്ള അനുമതി ഉടന് നല്കുമെന്നാണ് കരുതപ്പെടുന്നത്.
രാജ്യത്താകെ ഇതുവരെ മൂന്നു ലക്ഷത്തി അറുപതിനായിരത്തോളം പേര്ക്കാണ് കൊവിഡ് ബാധിച്ചത്. ഇതില് മൂന്നു ലക്ഷത്തി നാല്പ്പത്തി അയ്യായിരത്തോളം പേര്ക്ക് രോഗം ഭേദമായി. കഴിഞ്ഞ 24 മണിക്കൂറിനകം മാത്രം 495 പേര് രോഗമുക്തി നേടി. രാജ്യത്ത് കൊവിഡ് ആകെ കൊവിഡ് മരണം 5800 കവിഞ്ഞു. കഴിഞ്ഞ 24 മണിക്കൂറിനകം മാത്രം 14 പേരാണ് മരണപ്പെട്ടത്.