നിവാര്‍ ചുഴലിക്കാറ്റ് ദുര്‍ബലമാവുന്നു. രാത്രി പതിനൊന്നരയോടെ തീവ്ര ചുഴലിക്കാറ്റായി കരതൊട്ട നിവാര്‍ ചുഴലിക്കാറ്റിന്‍രെ രാവിലെയോടെ ശക്തി കുറഞ്ഞു. ചെന്നെ അടക്കമുളള വടക്കന്‍ തമിഴ്‌നാട്ടില്‍ ശക്തമായ മഴയും കാറ്റുമുണ്ടായി. രണ്ടു മരണം റിപ്പോര്‍ട്ട് ചെയ്തു. ദുര്‍ബലമായ കാറ്റ് കര്‍ണാടക തീരത്തേക്ക് നീങ്ങുകയാണ്. ചെന്നൈ മെട്രോയും എഴു ജില്ലകളിലെ ബസ് സര്‍വീസുകളും പുനരാരംഭിക്കും.
തമിഴ്‌നാട് കടലൂര്‍ കോട്ടക്കുപ്പം ഗ്രാമത്തിലാണ് ചുഴലിക്കാറ്റ് ആദ്യമായി കരതൊട്ടത്. മണിക്കൂറില്‍ 145 കിലോമീറ്റര്‍ വേഗത്തില്‍ തീരത്തെത്തിയ നിവാര്‍ ആറു മണിക്കൂറോളം ശക്തമായി തുടര്‍ന്നു. പിന്നീട് ശക്തി കുറഞ്ഞ് മണിക്കൂറില്‍ 65 മുതല്‍ 75 വരെ വേഗമുളള കൊടുങ്കാകാറ്റായി മാറുകയായിരുന്നു.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
അതിതീവ്ര ചുഴലിക്കാറ്റില്‍ വിഴുപുരത്തും നാഗപട്ടണത്തുമായി രണ്ടുപേര്‍ക്ക് ജീവന്‍ നഷ്ടമായി. പുതുച്ചേരി, തിരുവണ്ണാമലൈ, കടലൂര്‍, വില്ലുപുരം, കളളക്കുറിച്ചി എന്നീ സ്ഥലങ്ങളിലാണ് ഏറെ നാശനഷ്ടമുണ്ടായത്.പുതുച്ചേരിയില്‍ നിരവധി സ്ഥലങ്ങളില്‍ വീടുകളില്‍ വെളളം കയറി. ചെന്നൈയില്‍ ശക്തമായ കാറ്റും മഴയുമുണ്ടായി. തമിഴ്‌നാട്ടില്‍ ഒന്നര ലക്ഷത്തോളം പേരാണ് നിലവില്‍ ദുരിതാശ്വാസ കേന്ദ്രങ്ങളിലുളളത്. കാര്‍ഷിക മേഖലയ്ക്കുണ്ടായ നാശനഷ്ടങ്ങളുടെ കണക്ക് വ്യക്തമായിട്ടില്ല.
