രാജ്കോട്ട്: ഉദയ് ശിവാനന്ദ് കൊവിഡ് ആശുപത്രിയിലെ ഐസിയുവിൽ തീപ്പിടുത്തം. 5 കൊവിഡ് രോഗികൾ കൊല്ലപ്പെട്ടു. ഒരാൾക്ക് സാരമായി പരിക്കേറ്റിട്ടുണ്ട്. അറുപതിനും എഴുപതിനുമിടയിൽ പ്രായമുള്ളവരാണ് മരണപ്പെട്ടത്.
മൊത്തം ഏഴ് പേരാണ് ഐസിയുവിൽ ഉണ്ടായിരുന്നത്. ഇവരിൽ മൂന്നുപേർ സംഭവസ്ഥലത്ത് വെച്ചുതന്നെ കൊല്ലപ്പെട്ടു. മറ്റൊരു ആശുപത്രിയിലേക്ക് മാറ്റുന്നതിനിടെയാണ് മറ്റു രണ്ടു പേർ മരണപ്പെട്ടത്. സംഭവത്തിൽ അന്വേഷണം ആരംഭിച്ചിട്ടുണ്ടെന്നും പെട്ടെന്നുണ്ടായ അപകടത്തിന്റെ ഭീതിയില് ഉദ്യോഗസ്ഥര്ക്ക് സുരക്ഷാ സംവിധാനങ്ങൾ ഉപയോഗിക്കാൻ കഴിയാതെ പോയതാണ് അപകടത്തിന്റെ തീവ്രത കൂട്ടിയതെന്നും രാജ്കോട്ട് മുൻസിപ്പൽ കമ്മിഷണർ ഉദിത് അഗർവാൾ പറഞ്ഞു.
ഷോർട് സർക്യൂട്ടാണ് തീപ്പിടുത്തത്തിന് കാരണമായതെന്നാണ് പ്രാഥമിക നിഗമനം. സംഭവം നടന്നതിന് അര മണിക്കൂറിനുള്ളിൽ ഫയർ ഫോഴ്സ് തീയണച്ചു. ആശുപത്രിയിലെ എല്ലാ രോഗികളെയും മറ്റൊരു സ്വകാര്യ ആശുപത്രിയിലേക്ക് മാറ്റി.