രാജ്യത്തെ കൊവിഡ് പ്രതിരോധം അടിക്കടി മോശമായിക്കൊണ്ടിരിക്കുകയാണെന്ന് സുപ്രീം കോടതി

ന്യുഡല്‍ഹി: രാജ്യത്തെ കൊവിഡ് പ്രതിരോധം അടിക്കടി മോശമാവുന്നു എന്ന് സുപ്രീംകോടതി.  കൊവിഡിനെ മറികടക്കാനായി സംസ്ഥാന സര്‍ക്കാരുകള്‍ കടുത്ത നടപടികള്‍ സ്വീകരിക്കണമെന്നും രാഷ്ട്രീയം മറന്ന് പ്രവര്‍ത്തിക്കണമെന്നും സുപ്രീംകോടതി ആവശ്യപ്പെട്ടു. ഗുജറാത്തിലെ രാജ്‌കോട്ടില്‍  കൊവിഡ് ആശുപത്രിയില്‍ തീപ്പിടുത്തമുണ്ടായതിനെത്തുടര്‍ന്ന് ആറു കൊവിഡ് രോഗികള്‍ മരിച്ച സംഭവത്തില്‍ കോടതി സ്വമേധയ കേസെടുത്തിരുന്നു.

ജസ്റ്റിസ് അശോക് ബൂഷണ്‍ അധ്യക്ഷനായ മൂന്നംഗ ബെഞ്ച് ഗുജറാത്ത് സര്‍ക്കാരിനോട് സംഭവത്തില്‍ വിശദീകരണം തേടി. കേന്ദ്രസര്‍ക്കാര്‍ ഇറക്കുന്ന മാര്‍ഗരേഖകള്‍ സംസ്ഥാനങ്ങള്‍ നടപ്പാക്കുന്നില്ല. ഉത്സവങ്ങള്‍, വിവാഹങ്ങള്‍ തുടങ്ങി ആളുകള്‍ കൂടുന്ന പരിപാടികള്‍ക്ക് വരുന്ന 80 ശതമാനത്തിലേറേ പേരും മാസ്‌കുകള്‍ ധരിക്കുകയോ സാമൂഹിക അകലം പാലിക്കുകയോ ചെയ്യുന്നില്ല, വാക്‌സിനുകള്‍ സജ്ജമാകുന്നതുവരെ പ്രതിരോധ നടപടികളില്‍ വീഴ്ച്ച പാടില്ലെന്നും കോടതി വ്യക്തമാക്കി.

പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക

രാജ്യത്ത് നിലവില്‍ കൊവിഡ് കേസുകള്‍ റിപ്പോര്‍ട്ട് ചെയ്യുന്നതില്‍ എഴുപത് ശതമാനവും കേരളത്തില്‍ നിന്നാണെന്ന് കേന്ദ്രസര്‍ക്കാര്‍ കോടതിയില്‍ നല്‍കിയ സത്യവാങ്മൂലത്തില്‍ വ്യക്തമാക്കിയിട്ടുണ്ട്. അതേസമയം സംസ്ഥാനത്ത് നടക്കുന്ന എല്ലാ മരണങ്ങളും കൊവിഡ് കണക്കില്‍പ്പെടുത്തുന്നുണ്ട് എന്നും എല്ലാ മൃതദേഹങ്ങളും കൊവിഡ് പരിശോധനയ്ക്ക് വിധേയമാക്കാറുണ്ടെന്നും ചൂണ്ടിക്കാട്ടി കേരളം സുപ്രീംകോടതിയില്‍ റിപ്പോര്‍ട്ട് സമര്‍പ്പിച്ചിട്ടുണ്ട്. കേരളത്തിന്റെ റിപ്പോര്‍ട്ട് കോടതി അടുത്ത ചൊവ്വാഴ്ച്ച പരിഗണിക്കും.

Contact the author

National Desk

Recent Posts

National Desk 9 hours ago
National

ഇഡി ഇനിയും വരും, പിറകെ മോദിയും ഷായും വരും, എല്ലാം എന്റെ വോട്ടുവിഹിതം കൂട്ടും- മഹുവ മൊയ്ത്ര

More
More
National Desk 10 hours ago
National

'1700 കോടി രൂപ പിഴയടയ്ക്കണം'; കോൺഗ്രസിന് ആദായനികുതി വകുപ്പിന്റെ നോട്ടീസ്

More
More
National Desk 1 day ago
National

ബട്ടര്‍ ചിക്കനെ ചൊല്ലിയുളള നിയമയുദ്ധം തുടരുന്നു; ഡല്‍ഹി ഹൈക്കോടതിയില്‍ പുതിയ ഹര്‍ജി

More
More
National Desk 1 day ago
National

മണിപ്പൂരില്‍ ഈസ്റ്ററിന് അവധിയില്ല; സർക്കാർ ഓഫീസുകൾ പ്രവർത്തിക്കണമെന്ന് ഉത്തരവ്

More
More
National Desk 1 day ago
National

സീറ്റ് ലഭിക്കാത്ത മനോവിഷമത്തിൽ ആത്മഹത്യക്ക് ശ്രമിച്ച ഈറോഡ് എംപി അന്തരിച്ചു

More
More
National Desk 1 day ago
National

1996-ലെ മയക്കുമരുന്ന് കേസ്; സഞ്ജീവ് ഭട്ട് കുറ്റക്കാരനാണെന്ന് കോടതി

More
More