ഐഎസ്എൽ ഫുട്ബോളിൽ നാളെ കേരളാ ബ്ലാസ്റ്റേഴ്സ് ചെന്നൈയൻ എഫ് സിയെ നേരിടും. കേരളത്തിന്റെ മൂന്നാം മത്സരമാണിത്. ചെന്നൈ രണ്ടാം മത്സരത്തിനാണ് കളിത്തിൽ ഇറങ്ങുന്നത്. രണ്ട് കളികളിൽ നിന്ന് 1 പോയന്റുമാത്രമാണ് കേരളത്തിന്റെ സമ്പാദ്യം. ആദ്യ മത്സരത്തിൽ എടികെ മോഹൻബഗാനോട് ഏകപക്ഷീയമായ ഒരു ഗോളിന് കേരളം തോറ്റിരുന്നു. കളിയിലുടനീളം മികച്ച ഒത്തിണക്കം കാണിച്ച കേരളത്തിനെതിരെ 67-ാം മിനുട്ടിൽ റോയ് കൃഷ്ണയാണ് ഗോൾ നേടിയത്. പുതിയ വിദേശ താരങ്ങളെ ഉൾപ്പെടുത്തി അഴിച്ചു പണിഞ്ഞ കേരളാ ബ്ലാസ്റ്റേഴ്സിന്റെ പ്രകടനം ഏറെ തൃപ്തികരമായിരുന്നു.
രണ്ടാം മത്സരത്തിൽ നോർത്ത് ഈസ്റ്റ് യുണൈറ്റഡിനോട് കേരളം സമനില വഴങ്ങി. രണ്ട് ഗോളുകൾക്ക് മുന്നിട്ടു നിന്ന ശേഷമായിരുന്നു കേരളം സമനില കുരുക്കിൽപ്പെട്ടത്. മുന്നേറ്റനിരയും മധ്യനിരയും തകർന്ന മത്സരം ആരാധകരെ ഏറെ നിരാശപ്പെടുത്തി. രണ്ടാം പകുതി നിറം കെട്ട പ്രകടനമാണ് കാഴ്ചവെച്ചത്.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
ജാംഷഡ്പൂർ എഫ്സിക്കെതിരെ ജയത്തോടെയാണ് ചെന്നൈയൻ എഫ്സി ഏഴാം സീസണിൽ അരങ്ങേറ്റം കുറിച്ചത്. കളിയുടെ ഒന്നാം മിനുട്ടിൽ തന്നെ അനിരുദ്ധ ഥാപ്പ ചെന്നൈക്കായി ഗോൾ സ്കോർ ചെയ്തു. വാൾകിസാണ് ജാംഷ്ഡ്പൂരിന്റെ ആശ്വാസ ഗോൾ നേടിയത്.