കര്‍ഷകരുടെ ആശങ്കകള്‍ ഇല്ലാതാക്കു; കേന്ദ്രത്തോട് നിതീഷ് കുമാര്‍

പാറ്റ്‌ന: കര്‍ഷകരുടെ ആശങ്കകള്‍ ഇല്ലാതാക്കാന്‍ കേന്ദ്രത്തോട് ആവശ്യപ്പെട്ട് ബീഹാര്‍ മുഖ്യമന്ത്രി നിതീഷ് കുമാര്‍. പുതിയ കാര്‍ഷിക നിയമങ്ങള്‍ക്കെതിരെ പ്രതിഷേധിക്കുന്ന കര്‍ഷകരുടെ ആശങ്കകള്‍ പരിഹരിക്കണമെന്ന് നിതീഷ് കുമാര്‍ പറഞ്ഞു. കേന്ദ്രം നടപ്പാക്കിയ കാര്‍ഷിക നിയമങ്ങളില്‍ പ്രതിഷേധിച്ച് രാജ്യത്തുടനീളമുളള കര്‍ഷക സംഘടനകള്‍ നടത്തുന്ന പ്രതിഷേധം ആറു ദിവസം പിന്നിടുകയാണ്.

കര്‍ഷക സംഘടനകളുമായി ചര്‍ച്ച നടത്തിയാല്‍ കാര്‍ഷിക നിയമങ്ങളെക്കുറിച്ചുളള സംശയങ്ങള്‍ അടിസ്ഥാനരഹിതമാണെന്ന് അവര്‍ക്ക് മനസിലാകുമെന്നും അദ്ദേഹം കൂട്ടിച്ചേര്‍ത്തു. 2006ല്‍ ബിഹാര്‍ അഗ്രികള്‍ച്ചര്‍ പ്രോഡ്യൂസ് മാര്‍ക്കറ്റ് കമ്മിറ്റി (എപിഎംസി) നിര്‍ത്തലാക്കുകയും പ്രൈമറി അഗ്രികള്‍ച്ചറല്‍ ക്രെഡിറ്റ് സൊസൈറ്റികള്‍ വഴി വിളകള്‍ സംഭരിക്കാനുളള സംവിധാനം അവതരിപ്പിക്കുകയും ചെയ്തു. അതിനുശേഷം ബിഹാറിലെ സംഭരണം കൂടുകയായിരുന്നു. പുതിയ കാര്‍ഷിക നിയമങ്ങള്‍ ഒരിക്കലും കര്‍ഷകരെയും കൃഷിയെയും പ്രതികൂലമായി ബാധിക്കില്ലെന്ന് കേന്ദ്രം കര്‍ഷകരോട് വിശദീകരിക്കുമെന്ന് ഞാന്‍ പ്രതീക്ഷിക്കുന്നു എന്ന് നിതീഷ് കുമാര്‍ പറഞ്ഞു.

ഈ വര്‍ഷം ആദ്യം കേന്ദ്രം മൂന്ന് കാര്‍ഷിക നിയമങ്ങള്‍ നടപ്പാക്കിയിരുന്നു. കാര്‍ഷിക നിയമങ്ങങ്ങള്‍ പിന്‍വലിക്കണമെന്ന് ആവശ്യപ്പെട്ട് തലസ്ഥാനത്ത് ആറു ദിവസമായി കര്‍ഷകരുടെ പ്രക്ഷോപങ്ങള്‍ നടന്നുകൊണ്ടിരിക്കുകയാണ്. പഞ്ചാബ്, ഹരിയാന, ഉത്തര്‍പ്രദേശ്, രാജസ്ഥാന്‍ തുടങ്ങിയ സംസ്ഥാനങ്ങളില്‍ നിന്നുളള കര്‍ഷകരാണ് ഡല്‍ഹിയില്‍ കാര്‍ഷികനിയമങ്ങള്‍ക്കെതിരായി പ്രതിഷേധിക്കുന്നത്.

Contact the author

National Desk

Recent Posts

National Desk 1 day ago
National

ഷര്‍ജീല്‍ ഇമാമിനെ വെറുതെ വിട്ടതിനെതിരെ ഡല്‍ഹി പൊലീസ് ഹൈക്കോടതിയില്‍

More
More
National Desk 1 day ago
National

യു പി കോടതിയുടെ സമന്‍സ് ചോദ്യം ചെയ്ത് റാണ അയ്യൂബ് നല്‍കിയ ഹര്‍ജി സുപ്രീം കോടതി തള്ളി

More
More
National Desk 1 day ago
National

ഭാരത് ജോഡോ യാത്ര രണ്ടാം ഘട്ടത്തിനൊരുങ്ങി കോണ്‍ഗ്രസ്; പോര്‍ബന്തറില്‍നിന്ന് തുടക്കം

More
More
National Desk 2 days ago
National

ഗൗരി ലങ്കേഷിന്റെ വിധി പ്രതീക്ഷിച്ചാണ് ഞാന്‍ ജീവിക്കുന്നത്- നടന്‍ അതുല്‍ കുമാര്‍

More
More
National Desk 2 days ago
National

രണ്ടുവര്‍ഷമായി ഓര്‍മ്മക്കുറവുണ്ട്, ഡയലോഗുകള്‍ പോലും മറന്നുപോകുന്നു; ആരോഗ്യാവസ്ഥയെക്കുറിച്ച് നടി ഭാനുപ്രിയ

More
More
National Desk 2 days ago
National

പര്‍വേസ് മുഷറഫിനെക്കുറിച്ചുളള ട്വീറ്റ് വിവാദം; വിശദീകരണവുമായി ശശി തരൂര്‍

More
More