സൗജന്യ ക്രിസ്തുമസ് കിറ്റുകളുടെ വിതരണം ഇന്നുമുതല്‍

തിരുവനന്തപുരം: സംസ്ഥാന സർക്കാറിന്റെ സൗജന്യ ക്രിസ്തുമസ് കിറ്റുകളുടെ വിതരണം ഇന്നുമുതല്‍ ആരംഭിക്കും. എഎവൈ വിഭാ​ഗക്കരായ മഞ്ഞ കാർഡ് ഉടമകൾക്കാണ് ആദ്യഘട്ടത്തിൽ കിറ്റ് വിതരണം ചെയ്യുക. തുടർന്നുള്ള ദിവസങ്ങളിൽ നീല, വെള്ള കാർഡുടമകൾക്ക് കിറ്റ് വിതരണം ചെയ്യും. 90 ലക്ഷത്തോളം കാർഡ് ഉടമകൾക്കാണ് സൗജന്യമായി പലവ്യ‍ഞ്ജനങ്ങൾ അടങ്ങിയ കിറ്റ് ലഭിക്കുക.

ഒക്ടോബർ മാസത്തിലെ സൌജന്യ കിറ്റ് ഈ മാസം 5 വരെ കാര്‍ഡ് ഉടമകള്‍ക്ക് ലഭിക്കും. നവംബറിലെ കിറ്റും ഇതോടൊപ്പം വിതരണം ചെയ്യും. 11 ഇനങ്ങളാണ് കിറ്റിൽ ഉണ്ടാവുക. ഉഴുന്ന് പരിപ്പ്, തേയില, തുവരപ്പരിപ്പ്, ചെറുപയർ, മുളകുപൊടി, ​​ഗോതമ്പ്, വെളിച്ചെണ്ണ, പഞ്ചസാര, കടല എന്നിവയാണ് കിറ്റിൽ ഉണ്ടാവുക. ഖാദി മാസ്കും കിറ്റിൽ ഉണ്ടാവുമെന്ന് നേരത്തെ പറഞ്ഞിരുന്നുവെങ്കിലും ഖാദി മാസ്ക് ലഭ്യമല്ലാത്തതിനാൽ പിന്നീട് വിതരണം ചെയ്യുമെന്ന് ഭക്ഷ്യ-പൊതുവിതരണ വകുപ്പ് അറിയിച്ചു.

പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക

പലവ്യ‍ഞ്ജനങ്ങൾ അടങ്ങിയ കിറ്റ് തുണി സഞ്ചിയിലാണ് നല്‍കുക. മുമ്പ് നൽകിയ സഞ്ചിക്ക് ​ഗുണനിലവാരമില്ലെന്ന് പരാതിയുണ്ടായിരുന്നു. ഈ തവണ നിലവാരമുള്ള തുണിസഞ്ചിയിലാണ് പലവ്യ‍‍ഞ്ജനങ്ങൾ വിതരണം ചെയ്യുക. ക്രിസ്തുമസ് കിറ്റ് വിതരണത്തിനായി 482 കോടി രൂപയാണ് സർക്കാർ ചെലവിടുന്നത്. കൊവിഡ് ദുരിതാശ്വാസ കിറ്റിനായി സെപ്തംബർ, ഒക്ടോബർ നവംബർ മാസങ്ങളിൽ 368 കോടി രൂപ വീതമാണ് ചെലവഴിച്ചത്. മുഖ്യമന്ത്രിയുടെ ദുരിതാശ്വാസ നിധിയിൽ നിന്നാണ് ഈ തുക നൽകിയത്. കിറ്റ് നൽകാനായി ബജറ്റ് വിഹിതവും ഇത്തവണ ചെലവഴിക്കുമെന്ന് മുഖ്യമന്ത്രി അറിയിച്ചു.

Contact the author

Web Desk

Recent Posts

Web Desk 8 hours ago
Keralam

വീണ വിജയന്‍റെ കമ്പനിയായ എക്സാലോജിക്കിനെതിരെ ഇഡി കേസെടുത്തു

More
More
Web Desk 1 day ago
Keralam

കലാമണ്ഡലത്തില്‍ ഇനി ആണ്‍കുട്ടികള്‍ക്കും മോഹിനിയാട്ടത്തിന് പ്രവേശനം ലഭിക്കും

More
More
Web Desk 2 days ago
Keralam

സിദ്ധാര്‍ഥിന്റെ മരണം; കേസ് അട്ടിമറിക്കാനുളള നീക്കം എന്ത് വില കൊടുത്തും ചെറുക്കും- വി ഡി സതീശന്‍

More
More
Web Desk 2 days ago
Keralam

കേരളം ഇന്ന് 4866 കോടി കടമെടുക്കും

More
More
Web Desk 3 days ago
Keralam

സസ്‌പെന്‍ഡ് ചെയ്ത വിദ്യാര്‍ത്ഥികളെ തിരിച്ചെടുത്ത സംഭവം; വിസിക്കെതിരെ പരാതി നല്‍കുമെന്ന് സിദ്ധാര്‍ഥിന്റെ അച്ഛന്‍

More
More
Web Desk 3 days ago
Keralam

'എന്തിന്' ? ; കെ സുരേന്ദ്രന്റെ വയനാട് സ്ഥാനാര്‍ത്ഥിത്വത്തെ പരിഹസിച്ച് ടി സിദ്ദിഖ്

More
More