എവറസ്റ്റിന്റെ ഉയരം ഒടുവില്‍ ചൈനയും അംഗീകരിച്ചു

 കാഠ്മണ്ഡു:  ലോകത്തിലെ ഏറ്റവും വലിയ കൊടുമുടിയായ എവറസ്റ്റിന്റെ ഉയരം അംഗീകരിച്ച് ചൈന. 60 ദശലക്ഷത്തോളം വര്‍ഷം പഴക്കമുളള കൊടുമുടിയായ എവറസ്റ്റിന്റെ ഉയരത്തെക്കുറിച്ച് ചൈനയും നേപ്പാളും തമ്മില്‍ അഭിപ്രായവ്യത്യാസങ്ങളുണ്ടായിരുന്നു. 8,848.86 എന്ന പുതിയ ഉയരം ഇരു രാജ്യങ്ങളും അംഗീകരിച്ചു. ഇരുരാജ്യങ്ങളും സംയുക്തമായാണ് എവറസ്റ്റിന്റെ പുതിയ ഉയരം പ്രഖ്യാപിച്ചത്. 8,848.86 മീറ്റര്‍ എന്ന പുതിയ ഉയരമാണ് ചൈന അംഗീകരിച്ചത്.

ചൈനയുടെ ഔദ്യോഗിക കണക്കില്‍ 8,844.43 മീറ്ററായിരുന്നു എവറസ്റ്റ് കൊടുമുടിയുടെ നീളം. നേപ്പാളിന്റെ കണക്കിനേക്കാള്‍ നാലുമീറ്റര്‍ കുറവായിരുന്നു ഇത്. എവറസ്റ്റിന്റെ ഉയരം പാറകള്‍ അടിസ്ഥാനമാക്കി അളക്കണമെന്നായിരുന്നു ചൈനയുടെ അഭിപ്രായം എന്നാല്‍ പര്‍വ്വതത്തിലെ സ്‌നോ ടോപ്പിനെ അടിസ്ഥാനമാക്കി അളവെടുക്കണമെന്നാണ് നേപ്പാള്‍ ആവശ്യപ്പെട്ടത്. കഴിഞ്ഞ വര്‍ഷം നേപ്പാള്‍ തലസ്ഥാനമായ കാഠ്മണ്ഡു സന്ദര്‍ശനത്തിനിടെയാണ് ചൈനീസ് പ്രസിഡന്റ് ഷി ചിങ്പിങ് എവറസ്റ്റിന്റെ ഉയരം സംബന്ധിച്ച അഭിപ്രായഭിന്നത പരിഹരിക്കാനുളള കരാറുണ്ടാക്കിയത്.

ചൈന നേപ്പാള്‍ അതിര്‍ത്തിയിലാണ് എവറസ്റ്റ് കൊടുമുടി സ്ഥിതിചെയ്യുന്നത്.  2015 ലെ ഭൂകമ്പം എവറസ്റ്റിന്റെ ഉയരത്തില്‍ സ്വാധീനം ചെലുത്തിയിരിക്കാമെന്നാണ് ജിയോളജിസ്റ്റുകള്‍ പറയുന്നത്. 7.8 തീവ്രത രേഖപ്പെടുത്തിയ ഭൂചലനത്തില്‍ നേപ്പാളിലെ 9000 ആളുകള്‍ക്ക് ജീവന്‍ നഷ്ടമായിരുന്നു. പര്‍വ്വതങ്ങളുടെ ഉയരം അളക്കുന്നത് സമുദ്രനിരപ്പിനെ അടിസ്ഥാനമാക്കിയാണ്. നേപ്പാള്‍ സമുദ്രനിരക്ക് കണക്കാക്കാനായി ബംഗാള്‍ ഉള്‍ക്കടലിനെയും ചൈന കിഴക്കന്‍ പ്രവിശ്യയായ ഷാങ്‌ഡോങിലെ മഞ്ഞക്കടലിനെയുമാണ് ഉപയോഗിച്ചത്.

Contact the author

International Desk

Recent Posts

International

ചരിത്രത്തിലാദ്യമായി മിസ് യൂണിവേഴ്‌സ് മത്സരത്തില്‍ പങ്കെടുക്കാൻ അനുമതി നൽകി സൗദി അറേബ്യ

More
More
International

യുഎസിൽ ചരക്കുകപ്പലിടിച്ച് കൂറ്റന്‍ പാലം തകര്‍ന്നു

More
More
International

യുഎന്‍ രക്ഷാസമിതി ഗാസ വെടിനിര്‍ത്തല്‍ പ്രമേയം പാസാക്കി; അമേരിക്ക വിട്ടുനിന്നു

More
More
International

റിയാദില്‍ ലോകത്തിലെ ആദ്യ 'ഡ്രാഗണ്‍ ബാള്‍ തീം പാര്‍ക്ക്' ഒരുങ്ങുന്നു

More
More
International

ഈ ബീച്ചുകളില്‍ നിന്നും കല്ല് പെറുക്കിയാല്‍ രണ്ട് ലക്ഷം പിഴ

More
More
International

മോസ്കോയിൽ ഭീകരാക്രമണം: 60 പേർ കൊല്ലപ്പെട്ടു, 145 പേര്‍ക്ക് പരിക്ക്

More
More