പടിഞ്ഞാറൻ ഹിമാലയത്തിൽ നിന്ന് ശീതക്കാറ്റ് വീശിത്തുടങ്ങിയതോടെ ഡല്ഹിയില് അതിശൈത്യം തുടങ്ങി. താപനില 4.1 ഡിഗ്രി സെൽഷ്യസായാണ് കുറഞ്ഞത്. ഈ സീസണിൽ ഇതുവരെ അനുഭവപ്പെട്ടതില്വെച്ച് ഏറ്റവും താഴ്ന്ന താപനിലയാണിതെന്ന് ഇന്ത്യൻ കാലാവസ്ഥാ വകുപ്പ് (ഐഎംഡി) അറിയിച്ചു.
സമതലങ്ങളെ സംബന്ധിച്ചിടത്തോളം, കുറഞ്ഞ താപനില 10 ഡിഗ്രി സെൽഷ്യസോ അതിൽ കുറവോ ആയാല് ശീതതരംഗം ഉണ്ടാവുകയും താപനില രണ്ട് ദിവസത്തേക്ക് സാധാരണയേക്കാൾ 4.5 ഡിഗ്രി കുറയുകയും ചെയ്യും. സഫ്ദർജംഗ് ഒബ്സർവേറ്ററിയിലാണ് ഇന്ന് രാവിലെ 4.1 ഡിഗ്രി സെൽഷ്യസ് താപനില രേഖപ്പെടുത്തിയത്.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
ജാഫർപൂരിൽ 3.6 ഡിഗ്രി സെൽഷ്യസായി കുറഞ്ഞു. അയനഗർ, ലോധി റോഡ് എന്നിവിടങ്ങളില് യഥാക്രമം 4 ഡിഗ്രി സെൽഷ്യസും 4.2 ഡിഗ്രി സെൽഷ്യസും രേഖപ്പെടുത്തിയതായി ഐഎംഡി അറിയിച്ചു. ശക്തമായ കാറ്റ് കാരണം വായുവിന്റെ ഗുണനിലവാരവും നേരിയ തോതില് ഉയര്ന്നിട്ടുണ്ട്.