തിരുവനന്തപുരം: സംസ്ഥാനത്ത് ശക്തമായ മഴയ്ക്ക് സാധ്യതയുണ്ട് എന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കിയിട്ടുണ്ട്. ഇടുക്കി, കോട്ടയം, ഏറണാകുളം, മലപ്പുറം, കോഴിക്കോട്, വയനാട് തുടങ്ങി ആറു ജില്ലകളിലാണ് ജാഗ്രതാ നിര്ദ്ദേശം നല്കിയിരിക്കുന്നത്.
മേല്പ്പറഞ്ഞ ജില്ലകളില് കനത്ത ഒറ്റപ്പെട്ട മഴയ്ക്ക് സാധ്യതയുണ്ട്. അടുത്ത 64.5 മില്ലീ മീറ്റര് മുതല് 115.5 മില്ലീമീറ്റർ വരെ ശക്തമായ മഴയ്ക്കാണ് സാധ്യത.
നാളെ (ഡിസംബര് 17) മലപ്പുറം, കോഴിക്കോട്, വയനാട് എന്നീ ജില്ലകളില് മഞ്ഞ അലേര്ട്ട് പ്രഖ്യാപിച്ചിട്ടുണ്ട്. അതോടൊപ്പം വെള്ളിയാഴ്ച (ഡിസംബര് 18 ) ഇടുക്കി, കോട്ടയം, ഏറണാകുളം, മലപ്പുറം, കോഴിക്കോട്, വയനാട് എന്നീ ജില്ലകളില് മഞ്ഞ അലേര്ട്ട് പ്രഖ്യാപിച്ചിട്ടുണ്ട്. കേന്ദ്ര കാലാവസ്ഥാ വകുപ്പ് ജില്ലാ അടിസ്ഥാനത്തില് നടത്തിയ കാലാവസ്ഥാ പ്രവചനത്തെ അടിസ്ഥാനമാക്കിയാണ് ഈ മുന്നറിയിപ്പ്.