കവിയും സാമൂഹ്യ പ്രവർത്തകയുമായ സുഗതകുമാരി ആരോഗ്യ നിലയിൽ മാറ്റമില്ല. കൊവിഡ് സ്ഥിരീകരിച്ചതിനെ തുടർന്ന് തിരുവനന്തപുരം മെഡിക്കൽ കോളേജ് ആശുപത്രിയിൽ ചികിത്സയിലാണ്. സ്വകാര്യ ആശുപത്രിയിൽ നിന്ന് ഇന്നലെ മെഡിക്കൽ കോളേജിൽ പ്രവേശിപ്പിക്കുകയായിരുന്നു. സർക്കാർ നിർദ്ദേശ പ്രകാരമാണ് നടപടി. തീവ്ര പരിചരണ വിഭാഗത്തിൽ പ്രവേശിപ്പിച്ച സുഗതകുമാരിയുടെ ആരോഗ്യ നില ഗുരുതരമായി തുടരുകയാണെന്ന് ആശുപത്രി വൃത്തങ്ങൾ അറിയിച്ചു. വെൻിലേറ്ററിന്റെ സഹായത്തോടെയാണ് ജീവൻ നിലനിർത്തുന്നത്. ഹൃദയത്തിന്റെ പ്രവർത്തനത്തിലും പ്രശ്നങ്ങളുണ്ട്. മരുന്നുകളോട് ശരിയായ രീതിയിൽ ശരീരം പ്രതികരിക്കുന്നുന്നില്ലെന്നും ഡോക്ടർമാർ അറിയിച്ചു.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
സുഗതകുമാരിക്ക് ബ്രോങ്കോ ന്യൂമോണിയ ബാധിച്ചിരുന്നു. കൊവിഡ് ചികിത്സക്കിടെയാണ് രോഗം ബാധിച്ചത്. ഇതിനെ തുടർന്ന് ഗുരുതരമായ ശ്വാസ തടസം നേരിട്ടിരുന്നു. ആരോഗ്യ നിലവിലയിരുത്തിയതിനെ തുടർന്നാണ് സുഗതകുമാരിയെ മെഡിക്കൽ കോളേജിലേക്ക് മാറ്റാൻ സർക്കാർ തീരമാനിച്ചത്.
