പികെ കുഞ്ഞാലിക്കുട്ടി ലോക്സഭാ എംപി സ്ഥാനം ഒഴിയും. സംസ്ഥാന രാഷ്ട്രീയത്തിൽ സജീവമാകാനും വരുന്ന നിയമസഭാ തെരഞ്ഞെടുപ്പിൽ മത്സരിക്കാനുമാണ് കുഞ്ഞാലിക്കുട്ടി മലപ്പുറം ലോക്സഭാ എംപി സ്ഥാനം രാജിവെക്കുക . ഇന്ന് ചേരുന്ന മുസ്ലീം ലീഗിന്റെ സംസ്ഥാന പ്രവർത്തക സമിതിയോഗം വിഷയം ചർച്ച ചെയ്യും. കഴിഞ്ഞ ദിവസം ചേർന്ന മുസ്ലീ ലീഗ് ഉന്നതാധികാര സമിയിൽ ഇത് സംബന്ധിച്ച് ധാരണയിൽ എത്തിയിരുന്നു. ചർച്ചക്ക് ശേഷം പ്രവർത്തക സമിതി തീരുമാനത്തിന് അംഗീകാരം നൽകും. നിയമസഭാ തെരഞ്ഞെടുപ്പിനോട് അടുപ്പിച്ച് എംപി സ്ഥാനം രാജിവെച്ചാൽ മതിയെന്നായിരുന്നു ആദ്യം ലീഗ് തീരുമാനിച്ചിരുന്നത്.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
എന്നാൽ രാഷ്ടീയ സാഹചര്യം പരിഗണിച്ച് രാജി തീരുമാനം നേരത്തെയാക്കാൻ തീരുമാനിച്ചു. ജനുവരി ആദ്യ വാരത്തിൽ തന്നെ കുഞ്ഞാലിക്കുട്ടി രാജി സമർപ്പിച്ചേക്കും. ഇ അഹമ്മദ് മരിച്ചതിനെ തുടർന്ന് വന്ന ഒഴിവിലാണ് മലപ്പുറം ലോക്സഭാ മണ്ഡലത്തിൽ കുഞ്ഞാലിക്കുട്ടി മത്സരിച്ചത്. വേങ്ങരയിലെ എംഎൽഎ സ്ഥാനം രാജിവെച്ചാണ് കുഞ്ഞാലിക്കുട്ടി ദേശീയ രാഷ്രീയത്തിൽ സജീവമാകാൻ ഡൽഹിയിലേക്ക് പോയത്. 2019 ലെ ലോക്സഭാ തെരഞ്ഞടുപ്പിൽ മലപ്പുറത്ത് നിന്ന് വീണ്ടും കുഞ്ഞാലിക്കുട്ടി വൻ ഭൂരിപക്ഷത്തിൽ കുഞ്ഞാലിക്കുട്ടി ജയിച്ചു. കേരള രാഷ്ട്രീയത്തിൽ സജീവമാകാൻ കുഞ്ഞാലിക്കുട്ടി നേരത്തെ തന്നെ തീരുമാനിച്ചിരുന്നു. കഴിഞ്ഞ തദ്ദേശ തെരഞ്ഞെടുപ്പിൽ ലീഗിന്റെ ചുമതല കുഞ്ഞാലിക്കുട്ടിക്കായിരുന്നു.
