സംസ്ഥാന സർക്കാറിന്റ ഇന്റർനെറ്റ് പദ്ധതിയായ കെ ഫോണിന്റെ ആദ്യ ഫെബ്രുവരിയിൽ കമ്മീഷൻ ചെയ്യുമെന്ന് മുഖ്യമന്ത്രി. സർക്കാറിന്റെ രണ്ടാം നൂറുദിന പരിപാടി പ്രഖ്യാപനത്തിലാണ് ഇക്കാര്യം വ്യക്തമാക്കിയത്. 10000 കോടിയുടെ വികസന പരിപാടികൾ 100 ദിവസം കൊണ്ട് നടപ്പാക്കാനാണ് സർക്കാർ പദ്ധതി. 5526 പദ്ധതികൾ ഉടൻ ഉദ്ഘാടനം ചെയ്യും. 570 കോടി രൂപയുടെ പദ്ധതികളാണിത്. 4300 കോടിയുടെ 646 പദ്ധതികൾക്ക് സർക്കാർ തുടക്കം കുറിക്കും. ഒന്നാം നൂറുദിന പരിപാടിയിൽ 16440 പേർക്ക് തൊഴിൽ നൽകി. രണ്ടാം നൂറുദിന പരിപാടിയിൽ 50000 തൊഴിലവസരങ്ങൾ സൃഷ്ടിക്കുമെന്നും മുഖ്യമന്ത്രി പറഞ്ഞു.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
എല്ലാ ക്ഷേമ പെൻഷനുകളും 1500 രൂപ വർദ്ധിപ്പിച്ചു. വാർദ്ധക്യകാല പെൻഷൻ 100 രൂപ വർദ്ധിച്ച് 1500 രൂപയാകും. തദ്ദേശ തെരഞ്ഞെടുപ്പിൽ എൽഡിഎഫിന്റെ പ്രധാനവാഗ്ദാനമായിരുന്നു ക്ഷേമപെൻഷൻ വർദ്ധനവ്. ഗെയിൽ വാതക പൈപ്പ് ലൈൻ ജനുവരി 5 ന് പ്രധാനമന്ത്രി ഉദ്ഘാടനം ചെയ്യും. കേന്ദ്ര പെട്രോളിയം മന്ത്രി ധർമേന്ദ്ര പ്രധാൻ ഇത് സംബന്ധിച്ച് ഉറപ്പുനൽകിയെന്ന് മുഖ്യമന്ത്രി പറഞ്ഞു. ദേശീയ ജലപാതയുടെ കോവളം മുതൽ ചാവക്കാട് വരെയുള്ള റീച്ച് ഫെബ്രുവരിയിൽ ഉദ്ഘാടനം ചെയ്യും. കൊച്ചി വാട്ടർമെട്രോ പദ്ധതിക്ക് ഫെബ്രുവരിയിൽ തുടക്കാമാകും. കുണ്ടന്നൂർ, വൈറ്റില മേൽപ്പാലങ്ങളുടെ ഉദ്ഘാടനം അടുത്ത മാസം ആദ്യം നടക്കുമെന്നും മുഖ്യമന്ത്രി പറഞ്ഞു.
