സിയോള്‍: പുതുവര്‍ഷത്തില്‍ കൊറിയന്‍ ജനതയുടെ ആഗ്രഹങ്ങള്‍ സാക്ഷാത്കരിക്കാനായി താന്‍ കഠിനമായി പ്രയത്‌നിക്കുമെന്ന് ഉത്തരകൊറിയന്‍ നേതാവ് കിം ജോങ് ഉന്‍. കൊറിയയിലെ ജനങ്ങള്‍ക്ക് കത്തെഴുതിയും പിതാവിന്റെയും മുത്തശ്ശന്റെയും ശവകുടീരം സന്ദര്‍ശിച്ചുമാണ് കിം ജോങ് ഉന്‍ പുതുവര്‍ഷം ആരംഭിച്ചത്.
കഷ്ടകാലത്ത് ഭരണകൂടത്തെ വിശ്വസിക്കുകയും പിന്തുണയ്ക്കുകയും ചെയ്ത ജനങ്ങള്‍ക്ക് നന്ദി പറഞ്ഞുകൊണ്ടാണ് അദ്ദേഹം തന്റെ കത്ത് തുടങ്ങുന്നത്. കൊറോണ വൈറസ് പടരുന്നത് തടയാന്‍ ലക്ഷ്യമിട്ടുകൊണ്ടുളള പ്രതിരോധനടപടികളുടെ ഫലമായി പൗരന്മാര്‍ക്ക് നേരിടേണ്ടിവന്ന ബുദ്ധിമുട്ടുകള്‍ക്കും, അതുവഴി സാമ്പത്തിക പുരോഗതിയുണ്ടാവുമെന്ന വാഗ്ദാനം പാലിക്കപ്പെടാതിരുന്നതിലും ഉത്തരകൊറിയന്‍ നേതാവ് നേരത്തെ ക്ഷമ ചോദിച്ചിരുന്നു.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
അതേസമയം ഉത്തരകൊറിയയില്‍ കൊറോണ സ്ഥിരീകരിച്ചിട്ടില്ല എന്നാണ് കൊറിയന്‍ അധികൃതരുടെ വാദം. കര്‍ശനമായ ലോക്ടൗണുകളും പ്രതിരോധ നടപടികളും സ്വീകരിച്ചതായി കൊറിയ വ്യക്തമാക്കിയിരുന്നു. എന്നാല്‍ ഉത്തരകൊറിയയുടെ വാദം അമേരിക്കയും സൗത്ത് കൊറിയയും നിഷേധിച്ചിരുന്നു.
