പുതുവര്‍ഷം മുതല്‍ ചില ആന്‍ഡ്രോയിഡ് സ്മാര്‍ട് ഫോണുകളിലും ഐഫോണുകളിലും പ്രവര്‍ത്തനം നിര്‍ത്തുമെന്ന് വാട്സ്ആപ്പ്. പഴയ ഓപ്പറേറ്റിങ് സിസ്റ്റമുള്ള മൊബൈലുകളിലെ പ്രവര്‍ത്തനമാണ് വാട്സ്ആപ്പ് നിര്‍ത്തലാക്കുന്നത്.
ആന്‍ഡ്രോയിഡിന്റെ 4.0.3 വെര്‍ഷന്‍ മുതല്‍ മുകളിലുളളതും, ഐഒഎസിന്റെ 9 മുതലുള്ളതുമായ ഓപ്പറേറ്റിങ് സിസ്റ്റങ്ങളില്‍ മാത്രമേ ഇനി വാട്സ്ആപ്പ് പ്രവര്‍ത്തിക്കൂ എന്നാണ് അധികൃതര്‍ അറിയിച്ചിരിക്കുന്നത്.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
എച്ച്ടിസി ഡിസൈര്‍, മോട്ടറോള ഡ്രോയിഡ് റാസര്‍, എല്‍ജി ഒപ്റ്റിമസ് ബ്ലാക്ക്, സാംസങ് ഗാലക്‌സി എസ് 2 എന്നീ ആന്‍ഡ്രോയിഡ് സ്മാര്‍ട് ഫോണുകളിലാണ് വാട്സ്ആപ്പ് പ്രവര്‍ത്തനം നിര്‍ത്തുക. ഐഫോണ്‍-9ന് താഴെയുള്ള വേരിയെന്‍റുകളിലും ഒഎസ് അപ്ഡേറ്റ് ചെയ്തില്ലെങ്കില്‍ വാട്സ്ആപ്പ് ലഭിക്കില്ല. ഐഫോണ്‍ 4എസ് മുതല്‍ 6എസ് വരെയുള്ള ഫോണുകള്‍ ഐഒഎസ് 9തിലേക്ക് അപ്ഡേറ്റ് ചെയ്താല്‍ മാത്രമെ വാട്സ്ആപ്പ് ഉപയോഗിക്കാന്‍ സാധിക്കൂ.
