കോഴിക്കോട്: ആനക്കാംപൊയിലില് പൊട്ടക്കിണറ്റില് നിന്ന് രക്ഷപ്പെടുത്തിയ ആന ചരിഞ്ഞു. പതിനാല് മണിക്കൂര് നീണ്ട രക്ഷാപ്രവര്ത്തനത്തിനൊടുവില് വെള്ളിയാഴ്ച ആനയെ കിണറ്റില് നിന്ന് രക്ഷപ്പെടുത്തി കാട്ടിലേക്കയച്ചിരുന്നുവെങ്കിലും അവശനായ ആന സമീപത്ത് കുഴഞ്ഞുവീണു. നിര്ജ്ജലീകരണമാണ് ആനയുടെ നില വഷളാക്കിയത് എന്നാണ് നിഗമനം. ആനയ്ക്ക് ഗുരുതര പരിക്കുകളില്ലെന്ന് നേരത്തെ റിപ്പോര്ട്ടുകള് ഉണ്ടായിരുന്നു.
തിരുവമ്പാടിക്കടുത്ത് ആനക്കാംപൊയില് തൊണ്ണൂറിലാണ് ആന കിണറ്റില് വീണത്. ഇവിടേക്ക് നാലുകിലോമീറ്ററുകളോളം നടന്നെത്തണമെന്നുളളതാണ് രക്ഷാപ്രവര്ത്തനത്തിന് വെല്ലുവിളിയായിരുന്നു. കിണറിന് സമീപത്തേക്ക് മണ്ണുമാന്തി എത്തിച്ച് കിണറിടിച്ചാണ് ആനയെ പുറത്തെത്തിച്ചത്. ആന കിണറ്റില് വീണിട്ട് മൂന്നുദിവസമായെന്ന് നാട്ടുകാര് പറഞ്ഞിരുന്നു.