ഇറാന്‍ അന്യായമായി പിടിച്ചെടുത്ത എണ്ണക്കപ്പല്‍ ഉടന്‍ വിട്ടയക്കണമെന്ന് സൗത്ത് കൊറിയ

സിയോള്‍: ഇറാന്‍ പിടിച്ചെടുത്ത എണ്ണക്കപ്പല്‍ വിട്ടുതരാനാവശ്യപ്പെട്ട് സൗത്ത് കൊറിയ. ഹോര്‍മുസ് കടലിടുക്കിന് സമീപത്ത് വച്ചാണ് ഇറാന്‍ സേന എംടി ഹാങ്ക്കുക്ക് ചെമി എന്ന സൗത്ത് കൊറിയയുടെ എണ്ണക്കപ്പല്‍ പിടിച്ചെടുത്തത്. കപ്പലിലുണ്ടായിരുന്ന ഇരുപതുപേരേ ഇറാന്‍ തടലിലാക്കി. സൗത്ത് കൊറിയയുടെ എണ്ണക്കപ്പല്‍ പാരിസ്ഥിതിക നിയമങ്ങള്‍ ലംഘിച്ചുവെന്നാണ് ഇറാന്റെ ആരോപണം.

എന്നാല്‍, അമേരിക്കന്‍ ഉപരോധത്തെത്തുടര്‍ന്ന് സൗത്ത് കൊറിയന്‍ ബാങ്കുകള്‍ ഇറാന്റെ ഫണ്ടുകള്‍ മരവിപ്പിച്ചതിനോടുളള പ്രതികാര നടപടിയാണ് ഇതെന്നും ആരോപണം ഉയര്‍ന്നിട്ടുണ്ട്. ഇന്തോനേഷ്യ, മ്യാന്‍മര്‍, ദക്ഷിണകൊറിയ, വിയറ്റ്‌നാം എന്നീ രാജ്യങ്ങളില്‍ നിന്നുളള നാവികരുള്‍പ്പെടുന്ന സംഘത്തെ മോചിപ്പിക്കാന്‍ നയതന്ത്ര നീക്കങ്ങള്‍ നടത്തുന്നുണ്ടെന്ന് സൗത്ത് കൊറിയന്‍ വിദേശകാര്യമന്ത്രി കാങ് ക്യൂങ് വാ പറഞ്ഞു.

ദക്ഷിണകൊറിയന്‍ പൗരന്മാരുടെ സുരക്ഷ ഉറപ്പുവരുത്തുന്നതിനായി ഹോര്‍മുസ് കടലിടുക്കിലേക്ക് ആന്റി പൈറസി യൂണിറ്റിനെ അയച്ചതായി സൗത്ത് കൊറിയന്‍ പ്രതിരോധമന്ത്രാലയം അറിയിച്ചു. എണ്ണക്കപ്പല്‍ പിടിച്ചെടുത്തത് കടല്‍ മലിനീകരണം തടയാനാണെന്ന് ഇറാന്‍ വിദേശകാര്യ വക്താവ് വ്യക്തമാക്കി.


Contact the author

International Desk

Recent Posts

International

മഴനികുതി ഏര്‍പ്പെടുത്താനൊരുങ്ങി ടൊറന്റോ; പ്രതിഷേധം ശക്തം

More
More
International

ചരിത്രത്തിലാദ്യമായി മിസ് യൂണിവേഴ്‌സ് മത്സരത്തില്‍ പങ്കെടുക്കാൻ അനുമതി നൽകി സൗദി അറേബ്യ

More
More
International

യുഎസിൽ ചരക്കുകപ്പലിടിച്ച് കൂറ്റന്‍ പാലം തകര്‍ന്നു

More
More
International

യുഎന്‍ രക്ഷാസമിതി ഗാസ വെടിനിര്‍ത്തല്‍ പ്രമേയം പാസാക്കി; അമേരിക്ക വിട്ടുനിന്നു

More
More
International

റിയാദില്‍ ലോകത്തിലെ ആദ്യ 'ഡ്രാഗണ്‍ ബാള്‍ തീം പാര്‍ക്ക്' ഒരുങ്ങുന്നു

More
More
International

ഈ ബീച്ചുകളില്‍ നിന്നും കല്ല് പെറുക്കിയാല്‍ രണ്ട് ലക്ഷം പിഴ

More
More