ചണ്ഡിഗഡ്: പഞ്ചാബില് 5 മുതല് പ്ലസ്ടു വരെയുളള ക്ലാസുകള് നാളെ തുറക്കും. സ്കൂളുകള്ക്ക് രാവിലെ പത്തുമുതല് വൈകുന്നേരം മൂന്നു മണിവരെ പ്രവര്ത്തിക്കാമെന്ന് പഞ്ചാബ് വിദ്യാഭ്യാസമന്ത്രി വിജയ് ഇന്ദര് സിംഗ്ല പറഞ്ഞു. സര്ക്കാര്, സ്വകാര്യ വിദ്യാലയങ്ങള് തുറക്കണമെന്ന രക്ഷിതാക്കളുടെ നിരന്തരമായ അഭ്യര്ത്ഥനയെത്തുടര്ന്നാണ് തീരുമാനമെന്നും അദ്ദേഹം പറഞ്ഞു.
കുട്ടികള്ക്ക് വാര്ഷികപരീക്ഷകള്ക്കു മുന്നോടിയായി റിവിഷന് ക്ലാസുകള് നടത്താന് കഴിയുന്ന തരത്തില് സ്കൂളുകള് തുറക്കാന് അനുവധിക്കണമെന്ന് നിരവധി സ്കൂളുകളും സംസ്ഥാന വിദ്യാഭ്യാസവകുപ്പിനോട് ആവശ്യപ്പെട്ടിരുന്നു. കൊവിഡ് മഹാമാരിയുടെ വകഭേദം ഇന്ത്യയില് കണ്ടെത്തിയ സാഹചര്യത്തില് കുട്ടികളുടെ സുരക്ഷ ഉറപ്പുവരുത്തണമെന്ന് മുഖ്യമന്ത്രി ക്യാപ്റ്റന് അമരീന്ദര് സിംഗ് നിര്ദേശം നല്കി.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
എല്ലാ സ്കൂളുകളും സംസ്ഥാനസര്ക്കാരിന്റെ മാര്ഗനിര്ദേശങ്ങളും നടപടിക്രമങ്ങളും കര്ശനമായി പാലിക്കണമെന്നും അദ്ദേഹം പറഞ്ഞു. കൊവിഡ് മഹാമാരി മൂലം രാജ്യത്തെ എല്ലാ സ്കൂളുകളും അടച്ചിരുന്നു. കൊവിഡ് വ്യാപനം തടയാനായി അധ്യാപകരും വീടുകളിലെ മുതിര്ന്നവരും ആദ്യം വാക്സിനേഷന് എടുക്കണമെന്ന് ഐസിഎംആര് ഡയറക്ടര് ജനറല് ഡോ. ബല്റാം ഭാര്ഗവ പറഞ്ഞു.