രാജ്യത്ത് പെട്രോൾ ഡീസൽ വില വീണ്ടും കൂട്ടി. പെട്രോളിന് 24 പൈസയും ഡീസലിന് 29 പൈസയുമാണ് കൂടിയത്. തിരുവനന്തപുരത്ത് ഒരു ലിറ്റര് പെട്രോളിന്റെ വില 86 രൂപ 22 പൈസയായി. ഡീസലിന് 80 രൂപ 21 പൈസയാണ് പുതിയ വില. തുടര്ച്ചയായ രണ്ടാം ദിവസമാണ് ഉയരുന്നത്.
കൊച്ചിയില് 84 രൂപ 35 പൈസയാണ് ഒരു ലിറ്റര് പെട്രോളിന്റെ വില. ഇവിടെ ഡീസലിന് 78 രൂപ 43 പൈസയായി. അന്താരാഷ്ട്ര മാർക്കറ്റിൽ ബ്രെൻഡ് ക്രൂഡ് ഓയിലിന് വില കൂടിയ കാരണം പറഞ്ഞാണ് എണ്ണ കമ്പനികൾ വില കൂട്ടിയത്. ബ്രെന്ഡ് ക്രൂഡിന്റെ വില ബാരലിന് 55 ഡോളറായി. ഒരാഴ്ച കൊണ്ട് അഞ്ചു ഡോളറാണ് ക്രൂഡ് ഓയിലിന് വര്ധിച്ചത്.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
മുംബൈയില് പെട്രോളിന് 90 രൂപ കടന്നു. മുംബൈയിൽ രണ്ടാം തവണയാണ് 90 കടക്കുന്നത്. 2018 ഒക്ടോബറിലാണ് ഇതിന് മുമ്പ് ഇവിടെ പെട്രോളിന് 90 കടന്നത്. ഡൽഹിയിൽ പെട്രോള് വില ലിറ്ററിന് 84 രൂപയായി.