തിരുവനന്തപുരം: മുന്‍ മുഖ്യമന്ത്രിയും ഭരണ പരിഷ്കാര കമ്മീഷന് അദ്ധ്യക്ഷനുമായ വി എസ് അച്ചുതാനന്ദന്‍ തിരുവനന്തപുരത്തെ ഔദ്യോഗിക വസതി ഒഴിഞ്ഞു. ഭരണ പരിഷ്കാര കമ്മീഷന് അധ്യക്ഷ സ്ഥാനം ഒഴിയുന്നതിന്റെ മുന്നോടിയായാണ് വീടുമാറ്റം എന്നാണ് റിപ്പോര്‍ട്ട്. മകന്‍ വി എ അരുണ്‍ കുമാറിന്റെ ബാര്‍ട്ടണ്‍ഹില്ലിലുള്ള വീട്ടിലേക്കാണ് താമസം മാറിയത്.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
അതേസമയം വീടുമാറ്റം താല്ക്കാലികമാണെന്നും തപാല്‍ വിലാസം താല്‍ക്കാലികമായി മാത്രമാണ് മാറ്റുന്നതെന്നുമാണ് വാര്‍ത്ത കുറിപ്പില്‍ അറിയിച്ചിരിക്കുന്നത്. ആരോഗ്യ കാരണങ്ങളാല്‍ ഏറെ നാളായി പൊതുരംഗത്ത് സജീവമായി നില്കാന്‍ കഴിയാതിരുന്ന മുന്‍ മുഖ്യമന്ത്രി ഇത്തവണ തെരഞ്ഞെടുപ്പു പ്രചാരണങ്ങല്‍ക്കോ വോട്ടു ചെയ്യാന്‍ പോലുമോ പോയിട്ടില്ലായിരുന്നു.
