ഡല്ഹി: ഡല്ഹിയില് പക്ഷിപ്പനി സ്ഥിരീകരിച്ചു. രാജ്യത്ത് പക്ഷിപ്പനി സ്ഥിതീകരിക്കുന്ന ഒന്പതാമത്തെ സംസ്ഥാനമാണ് ഡല്ഹി. മയൂര് വിഹാര് പാര്ക്കില് നിന്നും സഞ്ജയ് ലേക്കില് നിന്നും ദ്വാരകയില് നിന്നുമുളള സാമ്പിളുകളുടെ പരിശോധനയിലാണ് ഏവിയന് ഇന്ഫ്ലുവെന്സ പോസീറ്റീവ് ആയത്.
ഡല്ഹിയിലേക്ക് പക്ഷികളെ ഇറക്കുമതി ചെയ്യുന്നത് നിരോധിച്ചിട്ടുണ്ട്. ഗാസിപ്പൂരിലെ മാര്ക്കറ്റും അടച്ചുപൂട്ടി. കഴിഞ്ഞ നാല് ദിവസങ്ങള്ക്കുളളില് 27 താറാവുകളെ ചത്തനിലയില് കണ്ടെത്തിയതിനെത്തുടര്ന്ന് ഡല്ഹിയിലെ സഞ്ജയ് ലേക്ക് താല്ക്കാലികമായി അടച്ചിട്ടൂ.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
പ്രദേശത്തെ റെഡ് സോണായി പ്രഖ്യാപിച്ചിട്ടുണ്ട്. കഴിഞ്ഞയാഴ്ച്ച ബെഗാംപൂര്, സരിതാവിഹാര്, ദില്ഷാദ് ഗാര്ഡന് എന്നിവിടങ്ങളില് 91 കാക്കകളെയും ചത്ത നിലയില് കണ്ടെത്തിയിരുന്നു. കേരള, മഹാരാഷ്ട്ര, രാജസ്ഥാന്, മധ്യപ്രദേശ്, ഹിമാചല് പ്രദേശ്, ഹരിയാന, ഗുജറാത്ത്, ഉത്തര്പ്രദേശ് തുടങ്ങിയവയാണ് പക്ഷിപ്പനി സ്ഥിരീകരിച്ച മറ്റു സംസ്ഥാനങ്ങള്.