പിജെ ജോസഫിന്റെ മകനെ തിരുവമ്പാടിയിൽ മത്സരിപ്പിക്കാൻ ശ്രമം

കേരളാ കോൺ​ഗ്രസ് നേതാവ് പിജെ ജോസഫിന്റെ മകൻ അപു ജോൺ ജോസഫിനെ നിയമസഭാ തെരഞ്ഞെടുപ്പിൽ കോഴിക്കോട് ജില്ലയിലെ തിരുവമ്പാടിയിൽ മത്സരിപ്പിക്കാൻ ശ്രമം. യുഡിഎഫിന് ശക്തമായ വേരോട്ടമുള്ള മണ്ഡലമാണ് തിരുവമ്പാടി. വർഷങ്ങളായി മുസ്ലീ ലീ​ഗാണ് മണ്ഡലത്തിൽ മത്സരിക്കുന്നത്. കഴിഞ്ഞ തെരഞ്ഞെടുപ്പിൽ യുഡിഎഫിനെ എൽഡിഎഫ് അട്ടിമറിച്ചിരുന്നു. മണ്ഡലത്തിലെ കൃസ്ത്യൻ വോട്ട് ബാങ്കിനെ മുന്നിൽ കണ്ടാണ് അപു ജോസഫിനെ മത്സരിപ്പിക്കാൻ കേരളാ കോൺ​ഗ്രസ് ശ്രമിക്കുന്നത്. മണ്ഡലത്തിലെ സഭകളുമായി അപുവിനെ നല്ല ബന്ധമാണുള്ളത്. യുവ സ്ഥാനാർത്ഥി എന്ന നിലയിൽ അപുവിന് തിരുവമ്പാടിയിൽ മികച്ച സ്വീകര്യത ലഭിക്കുമെന്ന് കേരളാ കോൺ​ഗ്രസിന് പ്രതീക്ഷയുണ്ട്. മണ്ഡലം വെച്ചുമാറാൻ ലീ​ഗ് തയ്യാറാണെന്നാണ് സൂചന  കൃസ്ത്യൻ സമൂഹത്തിന് ലീ​ഗിനോടുള്ള വിമുഖത കൂടി യുഡിഎഫ് കണക്കിലെടുത്തിട്ടുണ്ട്. 

കേരളാ കോൺ​ഗ്രസ് മത്സരിക്കുന്ന പേരാമ്പ്ര മണ്ഡലമാണ് ലീ​ഗ് പകരം ചോദിക്കുക. മലബാറിൽ കേരളാ കോൺ​ഗ്രസ് മത്സരിക്കുന്ന 3 സീറ്റുകളിൽ ഒന്നാണ് പേരാമ്പ്ര. എന്നാൽ ഇടത് ശക്തി കേന്ദ്രമായ പേരാമ്പ്രയിൽ   കേരള കോൺ​ഗ്രസിന് വലിയ വേരോട്ടമില്ല. കഴിഞ്ഞ തവണ കേരളാ കോൺ​ഗ്രസ് എമ്മാണ് മത്സരിച്ചത്. മാണി വിഭാ​ഗം മുന്നണി വിട്ട സാഹചര്യത്തിൽ സീറ്റ് ലഭിക്കുമെന്നാണ് ജോസഫ് ​ഗ്രൂപ്പിന്റെ പ്രതീക്ഷ. അങ്ങനെയെങ്കിൽ തിരുവമ്പാടി സീറ്റ് വെച്ചുമാറും. 

സീറ്റ് മാറ്റം സംബന്ധിച്ച് യുഡിഎഫിലെ ഘടകക്ഷികൾ തമ്മിൽ അനൗപചാരിക ചർച്ച ആരംഭിച്ചിട്ടുണ്ട്. സീറ്റ് ലഭിച്ചാൽ മത്സരിക്കാൻ തയ്യാറാണെന്ന് അപു ജോസഫ് മാധ്യമങ്ങളോട് പറഞ്ഞു. യുവജനങ്ങൾ കൂടുതലായി മത്സര രംഗത്തേക്ക് വരണമെന്നാണ് തന്റെ അഭിപ്രായമെന്ന് അപു വ്യക്തമാക്കി.

പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക

ഇടതു മുന്നണിയിൽ പേരാമ്പ്ര മണ്ഡലം ജോസ് കെ മാണി വിഭാ​ഗത്തിന് നൽകുമോ എന്ന് തീരുമാനം ആയിട്ടില്ല.  ജയ സാധ്യതയുള്ള മണ്ഡലമായതിനാൽ ജോസ് കെ മാണി സീറ്റ് ചോദിക്കാൻ സാധ്യതയുണ്ട്. നിലവിൽ ടിപി രാമകൃഷ്ണനാണ് ഇവിടെ നിന്നുള്ള എംഎൽഎ. മലബാറിൽ കേരളാ കോൺ​ഗ്രസ് മത്സരിക്കുന്ന ആലത്തൂർ, തളിപ്പറമ്പ് എന്നീ മണ്ഡലങ്ങൾക്ക് പകരം ജയസാധ്യതയുള്ള മറ്റ് സീറ്റുകൾ ജോസഫ് യുഡിഎഫിനോട് ആവശ്യപ്പെട്ടേക്കും.

Contact the author

Web Desk

Recent Posts

Web Desk 1 day ago
Keralam

വീണ വിജയന്‍റെ കമ്പനിയായ എക്സാലോജിക്കിനെതിരെ ഇഡി കേസെടുത്തു

More
More
Web Desk 2 days ago
Keralam

കലാമണ്ഡലത്തില്‍ ഇനി ആണ്‍കുട്ടികള്‍ക്കും മോഹിനിയാട്ടത്തിന് പ്രവേശനം ലഭിക്കും

More
More
Web Desk 2 days ago
Keralam

സിദ്ധാര്‍ഥിന്റെ മരണം; കേസ് അട്ടിമറിക്കാനുളള നീക്കം എന്ത് വില കൊടുത്തും ചെറുക്കും- വി ഡി സതീശന്‍

More
More
Web Desk 3 days ago
Keralam

കേരളം ഇന്ന് 4866 കോടി കടമെടുക്കും

More
More
Web Desk 3 days ago
Keralam

സസ്‌പെന്‍ഡ് ചെയ്ത വിദ്യാര്‍ത്ഥികളെ തിരിച്ചെടുത്ത സംഭവം; വിസിക്കെതിരെ പരാതി നല്‍കുമെന്ന് സിദ്ധാര്‍ഥിന്റെ അച്ഛന്‍

More
More
Web Desk 4 days ago
Keralam

'എന്തിന്' ? ; കെ സുരേന്ദ്രന്റെ വയനാട് സ്ഥാനാര്‍ത്ഥിത്വത്തെ പരിഹസിച്ച് ടി സിദ്ദിഖ്

More
More