ഇന്ത്യന് വനിതകള് ട്വന്റി-20 ലോകകപ്പ് ഫൈനലില്. ചരിത്രത്തില് ആദ്യമായാണ് ഇന്ത്യൻ വനിതകൾ ട്വന്റി-20 ലോകകപ്പ് ഫൈനലിൽ എത്തുന്നത്. ഇംഗ്ലണ്ടിനെതിരായ സെമി ഫൈനല് മഴ മൂലം ഉപേക്ഷിച്ചതോടെ ഇന്ത്യ ഫൈനലിലെത്തിയത്. എ ഗ്രൂപ്പിലെ ചാമ്പ്യന്മാരായതാണ് ഇന്ത്യക്ക് തുണയായത്. ഗ്രൂപ്പിലെ മുഴുവൻ മത്സരങ്ങളും ഇന്ത്യ ജയിച്ചിരുന്നു.
ആദ്യമത്സരത്തില് ഇന്ത്യ നിലവിലെ ചാമ്പ്യന്മാരും ആതിഥേയരുമായ ഓസ്ട്രേലിയയെ അട്ടിമറിച്ചാണ് പടയോട്ടം തുടങ്ങിയത്. തുടർന്ന് ബംഗ്ലാദേശ്, ന്യൂസീലന്ഡ്, ശ്രീലങ്ക ടീമുകളെയും തകര്ത്ത് എ ഗ്രൂപ്പ് ചാമ്പ്യന്മാരായി. കൗമാര വിസമയം ഷഫാലി വര്മയുടെ മിന്നുന്ന ഫോമാണ് ഇന്ത്യക്ക് ഗ്രൂപ്പ് മത്സരങ്ങളിൽ തുണയായത്. കൂടാതെ അവസരത്തിനൊത്ത് ഉയരുന്ന ഇന്ത്യൻ സ്പിന്നർമാരുടെ പ്രകടനവും ഇന്ത്യക്ക് തുണയായി.
ഓസ്ട്രേലിയ- ദക്ഷിണാഫ്രിക്ക രണ്ടാം സെമി ഫൈനലിലെ വിജയിയുമായി ഫൈനലിൽ ഇന്ത്യ ഏറ്റുമുട്ടും