ഡല്‍ഹി: ഡല്‍ഹിയില്‍ പത്ത് - പന്ത്രണ്ട് ക്ലാസുകളിലെ വിദ്യാര്‍ത്ഥികള്‍ക്ക് ജനുവരി 19 മുതല്‍ ക്ലാസുകള്‍ തുടങ്ങുമെന്ന് വിദ്യാഭ്യാസ വകുപ്പ് അറിയിച്ചു. മെയ് നാലിന് ആരംഭിക്കുന്ന സിബിഎസ്ഇ ബോര്‍ഡ് പരീക്ഷകള്‍ കണക്കിലെടുത്താണ് സ്‌കൂളുകള്‍ തുറക്കുന്നത്. രക്ഷിതാക്കളുടെ സമ്മതത്തോടെ മാത്രമേ വിദ്യാര്‍ത്ഥികള്‍ക്ക് സ്‌കൂളിലേക്ക് പ്രവേശനം അനുവദിക്കൂ.
വരുന്ന കുട്ടികളുടെ റെക്കോര്‍ഡ് എല്ലാ സ്‌കൂളുകളും സൂക്ഷിക്കും എന്നാല്‍ സ്‌കൂളില്‍ ഹാജരാകണമെന്നത് നിര്‍ബന്ധമില്ലെന്ന് ഡല്‍ഹി സര്‍ക്കാര്‍ വ്യക്തമാക്കി. വാര്‍ഷിക പരീക്ഷകള്‍ക്കു മുന്നോടിയായുളള മോഡല്‍ പരീക്ഷകളും പ്രാക്ടിക്കലുകളും റിവിഷന്‍ ക്ലാസുകളും നടത്തേണ്ടതുണ്ടെന്നും അതിനാല്‍ സ്‌കൂളുകള്‍ തുറക്കണമെന്നും നിരവധി സ്‌കൂളുകള്‍ വിദ്യാഭ്യാസ വകുപ്പിനോട് ആവശ്യപ്പെട്ടിരുന്നു.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
സാമൂഹിക അകലം പാലിക്കുക, മാസ്‌ക് ധരിക്കുക, സാനിറ്റൈസര്‍ ഉപയോഗിക്കുക തുടങ്ങിയ കൊവിഡ് മാനദണ്ഡങ്ങള്‍ പാലിച്ചായിരിക്കും ക്ലാസുകള്‍ നടക്കുക. കൊവിഡ് ബാധയെത്തുടര്‍ന്ന് മാസങ്ങളായി അടച്ചിട്ടിരിക്കുന്ന സ്‌കൂളുകള്‍ അടുത്തിടെയാണ് തുറന്നുതുടങ്ങിയത്.
