ഡല്ഹി: രാജ്യത്ത് ഇന്ധന വില വീണ്ടും വര്ധിച്ചു. പെട്രോളിന് 25 പൈസയാണ് വില കൂടിയത്. ഡീസല് 26 പൈസയും കൂടി. കൊച്ചിയിലെ ഇന്നത്തെ പെട്രോള് വില 85.11 രൂപയാണ്. ഡീസല് വില 79.24 രൂപയായി. ഡല്ഹിയില് പെട്രോളിന് 84.95 രൂപയും ഡീസലിന് 75.13 രൂപയുമാണ് വില. കഴിഞ്ഞ പതിറ്റാണ്ടിനിടയിലെ ഏറ്റവും ഉയര്ന്ന വിലയാണ് മുംബൈയിൽ ഡീസലിന് രേഖപ്പെടുത്തിയിരിക്കുന്നത്. ഈ മാസം ഒരു രൂപയിലധികമാണ് ഇന്ധന വില വര്ധിച്ചത്.
അന്താരാഷ്ട്രവിപണിയില് എണ്ണവില കുറഞ്ഞിരിക്കുന്ന സാഹചര്യത്തിലാണ് വീണ്ടും രാജ്യത്ത് എണ്ണക്കമ്പനികള് വില കൂട്ടിയിരിക്കുന്നത്. കഴിഞ്ഞ കൊല്ലം 13 തവണയാണ് ഇന്ധന വില വര്ധിച്ചത്, എങ്കില് ഈ വര്ഷം ആദ്യ മാസം തന്നെ നാലുതവണ ഇന്ധനത്തിന് വിലകൂടി. ഇന്ധന വിലക്കയറ്റം ജനജീവിതത്തെ കാര്യമായി ബാധിക്കുന്നുണ്ട്.
അന്താരാഷ്ട്ര വിപണിയില് ക്രൂഡ് ഓയില് വില കൂടിയതാണ് ഇന്ധന വില വര്ധിക്കാന് കാരണമായതെന്നാണ് എണ്ണക്കമ്പനികളുടെ വിശദീകരണം. രാജ്യത്ത് കൊവിഡ് വാക്സിന് വിതരണം ആരംഭിച്ചതോടെ ഉണ്ടായേക്കാവുന്ന സാമ്പത്തിക ബാധ്യത മറികടക്കാന് പെട്രോളിയം ഉത്പന്നങ്ങള്ക്ക് അധിക സെസ് ഈടാക്കാന് കേന്ദ്ര സര്ക്കാര് ആലോചിക്കുന്നുമുണ്ട്. അങ്ങിനെവന്നാല് വില നൂറു കടക്കും.