ഐ.സി.സി ഏകദിന റാങ്കിങിലെ മികവ് നിലനിര്ത്തി ഇന്ത്യന് നായകന് വിരാട് കോഹ്ലിയും ഉപനായകന് രോഹിത് ശര്മ്മയും. പാക് താരം ബാബര് അസമാണ് മൂന്നാമത്. ആദ്യ പത്ത് സ്ഥാനങ്ങളില് മാറ്റമില്ല. ഓസ്ട്രേലിയക്കെതിരെ സമാപിച്ച ഏകദിന പരമ്പരയിലെ മിന്നും പ്രകടനമാണ് കോഹ്ലിക്ക് തുണയായത്. മൂന്ന് മത്സരങ്ങളടങ്ങിയ ഏകദിന പരമ്പരയില് കോഹ്ലി രണ്ട് അര്ദ്ധ സെഞ്ച്വറികള് നേടിയിരുന്നു.
അതേസമയം, ബൗളര്മാരുടെ റാങ്കിങ്ങില് ബംഗ്ലാദേശ് സ്പിന്നര് മെഹിദി ഹസന് വന് കുതിച്ചുച്ചാട്ടം നടത്തി. ഒമ്പത് സ്ഥാനങ്ങള് മെച്ചപ്പെടുത്തിയ മെഹിദി നാലാം സ്ഥാനത്തെത്തി. പേസര് മുസ്തഫിസുര് റഹ്മാനും 11 സ്ഥാനങ്ങള് മെച്ചപ്പെടുത്തി എട്ടാം റാങ്കിലെത്തി. ട്രെന്ഡ് ബൗള്ട്ടാണ് ഒന്നാം സ്ഥാനത്ത്. അഫ്ഗാനിസ്താന്റെ മുജീബുര് റഹ്മാന് രണ്ടും ഇന്ത്യയുടെ ജസ്പ്രീത് ബുംറ മൂന്നാം സ്ഥാനത്തുമാണ്.
ഓള്റൗണ്ടര്മാരുടെ റാങ്കിങ്ങില് ബംഗ്ലാതാരം ഷാക്കിബ് അല് ഹസന് ഒന്നാം സ്ഥാനം നിലനിര്ത്തി. മുഹമ്മദ് നബി (അഫ്ഗാന്), ക്രിസ് വോക്സ്, ബെന് സ്റ്റോക്സ് (ഇംഗ്ലണ്ട്), ഇമാദ് വസീം (പാകിസ്ഥാന്) എന്നിവരാണ് രണ്ട് മുതല് അഞ്ച് വരെയുള്ള സ്ഥാനങ്ങളില്.