ഡല്ഹി: വിവാദ കാര്ഷിക നിയമങ്ങള്ക്കെതിരായി ഡല്ഹിയില് പ്രതിഷേധിക്കുന്ന കര്ഷകരെ പിന്തുണച്ച് പ്രശസ്ത പരിസ്ഥിതി പ്രവര്ത്തക ഗ്രേറ്റ തന്ബര്ഗ്. ഇന്ത്യയിലെ കര്ഷക പ്രതിഷേധത്തിന് ഞങ്ങള് ഐക്യദാര്ഢ്യം പ്രഖ്യാപിക്കുന്നു എന്നാണ് ഗ്രെറ്റ ട്വീറ്റ് ചെയ്തത്. ഡല്ഹി അതിര്ത്തികളിലെ ഇന്റര്നെറ്റ് വിച്ഛേദിച്ചു എന്ന സിഎന്എന് വാര്ത്ത പങ്കുവച്ചാണ് ഗ്രെറ്റയുടെ പ്രതികരണം.
കര്ഷകസമരം അന്താരാഷ്ട്ര തലത്തില് വാര്ത്തയായതിനു പിന്നാലെ നിരവധി പേരാണ് കര്ഷകര്ക്ക് ഐക്യദാര്ഢ്യം പ്രഖ്യാപിച്ച് രംഗത്തെത്തിയത്. പ്രശസ്ത പോപ് ഗായിക റിഹാനയും കഴിഞ്ഞ ദിവസം കര്ഷകരെ പിന്തുണച്ച് രംഗത്തെത്തിയിരുന്നു. എന്തുകൊണ്ടാണ് നമ്മള് ഇതിനെക്കുറിച്ച് സംസാരിക്കാത്തത് എന്നാണ് ഗായിക ട്വീറ്റ് ചെയ്തത്.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
അതേസമയം വിവാദ കാര്ഷിക നിയമത്തില് പ്രതിഷേധിച്ചുകൊണ്ടുളള കര്ഷകരുടെ സമരം എഴുപതാം ദിവസത്തിലേക്ക് കടന്നു. നിയമങ്ങള് പിന്വലിക്കാന് കേന്ദ്രത്തിന് ഒക്ടോബര് വരെ സമയം നല്കുമെന്ന് ഭാരതീയ കിസാന് യൂണിയന് നേതാവ് രാകേഷ് ടികായത്ത് പറഞ്ഞു. ഒക്ടോബറിനകം നടപടിയുണ്ടായില്ലെങ്കില് രാജ്യവ്യാപകമായി ട്രാക്ടര് റാലി നടത്തും. നാല്പ്പത് ലക്ഷം ട്രാക്ടറുകള് അണിനിരത്തിയായിരിക്കും പ്രതിഷേധമെന്നും രാകേഷ് ടികായത്ത് വ്യക്തമാക്കി.