കെഎം ഷാജി എംഎൽഎക്കെതിരായ പ്ലസു ടു കോഴക്കേസിൽ സ്കൂൾ ജീവനക്കാരിൽ നിന്ന് എൻഫോഴ്സ്മെന്റ് ഡയറക്ടറേറ്റ് മൊഴിയെടുക്കുന്നു. എൻഫോഴ്സ്മെന്റ് ഡയറക്ടറേറ്റിന്റെ കോഴിക്കോട് ഓഫീസിൽ വെച്ചാണ് മൊഴിയെടുക്കുന്നത്.
കെ. എം. ഷാജിയുടെ ചാർട്ടേഡ് അക്കൗണ്ടന്റിൽ നിന്നും എൻഫോഴ്സ്മെന്റ് ഡയറക്ടറേറ്റ് കഴിഞ്ഞ ദിവസം മൊഴിയെടുത്തിരുന്നു. ചാർട്ടേഡ് അക്കൗണ്ടന്റ് എൻ എൽ മാത്യുവിൽ നിന്ന് ഇഡി വിവരങ്ങൾ തേടിയത്. ഇഡിയുടെ കോഴിക്കോട് ഓഫീസിൽ വെച്ചാണ് മൊഴിയെടുത്തത്. കേസിൽ ഷാജിയെയും ഭാര്യ ആശയെയും ഇഡി ചോദ്യം ചെയ്തിരുന്നു. ഇവർ നൽകിയ വിവരങ്ങളിൽ പൊരുത്തക്കേട് കണ്ടെത്തിയതിനെ തുടർന്നാണ് ചാർട്ടേഡ് അക്കൗണ്ടന്റെിനെ വിളിച്ചുവരുത്തി മൊഴിയെടുത്തത്. അഴീക്കോട് സ്‌കൂളിൽ പ്ലസ്ടു സീറ്റ് അനുവദിക്കാൻ ഷാജി ഇരുപത്തി അഞ്ച് ലക്ഷം രൂപ കോഴ വാങ്ങിയെന്ന ആരോപണത്തിലാണ് ഇഡിയുടെ അന്വേഷണം പുരോഗമിക്കുന്നത്. ഇതേ കേസിൽ വിജിലൻസും ഷാജിയെ ചോദ്യം ചെയ്തിരുന്നു.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
കഴിഞ്ഞ രണ്ടു നിയമസഭാ തെരഞ്ഞെടുപ്പുകളില്‍ ഷാജി നല്‍കിയ സ്വത്തുവിവരങ്ങളില്‍ കാര്യമായ കൃത്രിമമുണ്ട് എന്നാണ് അന്വേഷണ ഏജന്‍സി കരുതുന്നത്. ഷാജി സത്യവാങ്ങ്മൂലത്തില്‍ കാണിച്ചതിലധികം സ്വത്തു വകകള്‍ നിലവില്‍ ഷാജിയുടെയും ഭാര്യയുടെയും പേരില്‍ ഉണ്ടെന്നാണ് സൂചന. ഷാജിയുമായി നേരത്തെ പണമിടപാട് ഉണ്ടായിരുന്ന മുന്‍ യൂത്ത് ലീഗ് നേതാവ് ടി ടി ഇസ്മയിലിനെയും എന്ഫോഴ്സ്മെന്റ് ഡയറക്ടറേറ്റ് ചോദ്യം ചെയ്തിരുന്നു.
