ക്രിസ്ത്യൻ നാടാൻ സമുദായത്തെ ഒബിസി സംവരണ വിഭാഗത്തിൽ ഉൾപ്പെടുത്തി. ഇന്ന് ചേർന്ന് മന്ത്രിസഭായോഗമാണ് ഇത് സംബന്ധിച്ച് തീരുമാനം എടുത്തത്. നിലവിൽ ഹിന്ദു നാടാർ എസ്ഐസിയു വിഭാഗങ്ങൾക്ക് മാത്രമാണ് ഒബിസി സംവരണം ഉള്ളത്.
ക്രിസ്ത്യൻ നാടാർ സമുദായത്തിന്റെ ദീർഘകാലമായുള്ള ആവശ്യമായിരുന്നു ഇത്. തിരുവനന്തപുരം, കൊല്ലം ജില്ലയിലെ പടിഞ്ഞാറൻ പ്രദേശത്തെ പ്രബലസമുദായമാണ് നാടാർ. മുഴുവൻ നാടാർ സമുദായങ്ങളെയും ഒബിസി വിഭാഗത്തിൽ ഉൾപ്പെടുത്താനുള്ള നീക്കത്തെ ഹിന്ദു നാടാർ സംഘടനകൾ എതിർത്തിരുന്നു. ക്രൈസ്തവ സഭകളിലും വിവിധ മതവിഭാഗങ്ങളിലും ഉൾപ്പെടുന്ന മുഴുവൻ നാടാൻ സമുദായ അംഗങ്ങളും ഇതോടെ സംവരണത്തിന് അർഹരാകും.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
നിയമസഭാ തെരഞ്ഞെടുപ്പ് ആസന്നമായിരിക്കെ നാടാർ സമുദായത്തെ പൂർണമായും ഒബിസി വിഭാഗത്തിൽ ഉൾപ്പെടുത്തിയത് രാഷ്രീയ ചലനങ്ങൾ ഉണ്ടാക്കിയേക്കും. സർക്കാർ തീരുമാനത്തെ വിവിധ ക്രിസ്ത്യൻ സംഘടനകൾ സ്വാഗതം ചെയ്തു.
