കർഷകസമരത്തിന് ആവേശം പകർന്ന പഞ്ചാബി ഗാനങ്ങൾ യൂട്യൂബിൽ നിന്നും നീക്കം ചെയ്തു. രണ്ട് ഗാനങ്ങള്ക്കും വലിയ തരത്തിലുള്ള സ്വീകാര്യത കിട്ടിയതോടെയാണ് നടപടി. അപ്ലോഡ് ചെയ്ത് കുറഞ്ഞ സമയത്തിനുള്ളില്തന്നെ 2 കോടിയിലധികം തവണ ജനങ്ങള് ഈ വീഡിയോകള് കണ്ടുകഴിഞ്ഞിരുന്നു. പഞ്ചാബി ഗായകരായ കൻവർ ഗ്രെവാളിന്റെ ഐലാൻ, ഹിമാത് സന്ധുവിന്റെ അസി വദാംഗെ എന്നീ സംഗീത വിഡിയോകളാണ് പരാതിക്ക് പിന്നാലെ ഔദ്യോഗിക പേജിൽ നിന്നും നീക്കം ചെയ്തിരിക്കുന്നത്.
കേന്ദ്രസര്ക്കാരിന്റെ നിര്ദ്ദേശപ്രകാരമാണ് യൂട്യൂബിന്റെ നടപടി. നിലവില് ഈ ഗാനം സേര്ച്ച് ചെയ്യുമ്പോള് കാണാന് സാധിക്കുന്നത് കേന്ദ്രസര്ക്കാരിന്റെ നിര്ദ്ദേശത്തെ തുടര്ന്ന് ഈ ഗാനങ്ങള് നീക്കം ചെയ്തു എന്നാണ്. എന്നാൽ ഔദ്യോഗിക ചാനലിൽ നിന്നും പാട്ട് കളഞ്ഞെങ്കിലും മറ്റ് പേജുകളിലൂടെ പാട്ട് വീണ്ടും സജീവമാക്കാനാണ് കർഷക സംഘടനകളുടെ നീക്കം.