ഡല്ഹി: കാര്ഷിക നിയമങ്ങള്ക്കെതിരെയുള്ള സമരം ശക്തിപ്പെടുത്താനൊരുങ്ങി കര്ഷകര്. ഫെബ്രുവരി 18-ന് രാജ്യവ്യാപകമായി ട്രെയിന് തടയും. നാല് മണിക്കൂറാണ് ട്രെയിന് തടയുക. ഉച്ചക്കു 12 മുതല് വൈകീട്ട് നാലു വരെയായിരിക്കും ട്രെയിന് തടയുക. ഇതു സംബന്ധിച്ച് സംയുക്ത കിസാന് മോര്ച്ച അറിയിപ്പ് നല്കി. ചര്ച്ചയ്ക്ക് ക്ഷണിച്ചെങ്കിലും നിയമം പിന്വലിക്കില്ലെന്ന് സര്ക്കാര് വ്യക്തമാക്കിയ സാഹചര്യത്തിലാണ് കര്ഷക മോര്ച്ചയുടെ തിരുമാനം.
ചര്ച്ച പുനഃരാരംഭിക്കാന് തയാറാകണമെന്ന് കര്ഷകരോട് പ്രധാനമന്ത്രി നരേന്ദ്ര മോദി ലോക്സഭയില് ആവശ്യപ്പെട്ടിരുന്നു. കേന്ദ്ര സര്ക്കാര് നിയമം പിന്വലിക്കില്ലെന്ന് സൂചിപ്പിച്ചതോടെ പ്രക്ഷോഭം ശക്തമാക്കാന് തങ്ങള് നിര്ബന്ധിതരായിരിക്കുകയാണെന്ന് കര്ഷക മോര്ച്ച പ്രതികരിച്ചു. കൂടാതെ, ഫെബ്രുവരി 12 മുതല് ടോള് പിരിവ് അനുവദിക്കില്ലെന്ന് സംയുക്ത കിസാന് മോര്ച്ച വ്യക്തമാക്കി.
അതേസമയം, സമരകേന്ദ്രങ്ങളില് വൈദ്യുതി, വെള്ളം തൂടങ്ങിയവ പുനസ്ഥാപിക്കണം എന്ന കര്ഷക സംഘടനകളുടെ അഭ്യര്ത്ഥന റവന്യൂ അധികാരികള് വീണ്ടും തള്ളി. പൊലീസ് എതിര്പ്പില്ല എന്ന് അറിയിക്കും വരെ തീരുമാനം പുനഃപരിശോധിക്കാനാവില്ല എന്നാണ് മറുപടി.