നമ്മുടെ മണ്ണ് ചൈനയ്ക്ക് വിട്ടുനല്‍കിയ ഭീരുവാണ് മോദി: രാഹുല്‍ ഗാന്ധി

ഡല്‍ഹി:  ഇന്ത്യയുടെ മണ്ണ് ചൈനയ്ക്ക് വിട്ടുനല്‍കിയ ഭീരുവാണ് മോദിയെന്ന് കോണ്‍ഗ്രസ് നേതാവ് രാഹുല്‍ ഗാന്ധി. കിഴക്കന്‍ ലഡാക്കിലെ പാംഗോങ് തടാകത്തിന്റെ വടക്ക് - തെക്ക് തീരങ്ങളില്‍ നിന്ന് ഇരു രാജ്യങ്ങളും സേനകളെ പിന്‍വലിക്കാന്‍ ധാരണയായെന്ന് പ്രതിരോധ മന്ത്രി രാജ്യസഭയില്‍ അറിയിച്ച പശ്ചാത്തലത്തിലാണ് രാഹുല്‍ ഗാന്ധിയുടെ വിമര്‍ശനം.

ചൈനീസ് സൈന്യം പാംഗോങ് തടാകത്തിന് വടക്കുളള ഫിംഗര്‍ എട്ടിലേക്കും ഇന്ത്യന്‍ സൈന്യം ഫിംഗര്‍ മൂന്നിലേക്കുമാണ് സേനകളെ മാറ്റുന്നത്. എന്നാല്‍ ഫിംഗര്‍ നാല് ഇന്ത്യയുടെ പ്രദേശമാണെന്നും അവിടെ നിന്ന് എന്തിനാണ് സൈന്യത്തെ ഫിംഗര്‍ മൂന്നിലേക്ക് മാറ്റുന്നത് എന്നും രാഹുല്‍ ചോദിച്ചു. ചൈനയെ നേരിടാന്‍ കഴിയാത്ത ഭീരുവാണ് മോദി, ചൈനക്കെതിരെ പോരാടാന്‍ രാജ്യത്തിന്റെ കരസേനയും നാവികസേനയും വ്യോമസേനയും തയാറാണ് എന്നാല്‍ പ്രധാനമന്ത്രി തയാറല്ല എന്നും രാഹുല്‍ ഗാന്ധി ആരോപിച്ചു.

രാജ്യത്തിന്റെ അതിര്‍ത്തികള്‍ സംരക്ഷിക്കേണ്ടത് പ്രധാനമന്ത്രിയുടെ ഉത്തരവാദിത്വമാണെന്നും രാഹുല്‍ കൂട്ടിച്ചേര്‍ത്തു. തന്ത്രപ്രാധാന്യമുളള ഡെപ്‌സാങ് മേഖലയിലേക്ക് ചൈന കടന്നിട്ടുണ്ട് അതിനെക്കുറിച്ച്  പാര്‍ലമെന്റില്‍ സംസാരിക്കാത്ത പ്രതിരോധ മന്ത്രിയെയും രാഹുല്‍ വിമര്‍ശിച്ചു. നമ്മുടെ പവിത്രഭൂമി പ്രധാനമന്ത്രി ചൈനയ്ക്ക് വിട്ടുനല്‍കിയിരിക്കുകയാണെന്നുളളതാണ് സത്യം. ഇക്കാര്യങ്ങളില്‍ വ്യക്തത വേണം.' - രാഹുല്‍ പറഞ്ഞു.

അതേസമയം, ഘട്ടംഘട്ടമായുള്ള സൈനികപിന്മാറ്റത്തിനാണ് ഇരുരാജ്യവും ധാരണയിലെത്തിയതെന്നും പ്രതിരോധമന്ത്രി പാര്‍ലമെന്റിനെ കഴിഞ്ഞ ദിവസം അറിയിച്ചിരുന്നു. പ്രശ്‌നം പരിഹരിക്കാന്‍ ഇന്ത്യ ഉപാധികള്‍ക്കൊന്നിനും വഴങ്ങിയിട്ടില്ല. രാജ്യത്തിന്റെ ഒരിഞ്ചുഭൂമിപോലും ആര്‍ക്കും വിട്ടുകൊടുക്കില്ലെന്നും അദ്ദേഹം പറഞ്ഞിരുന്നു.

Contact the author

National Desk

Recent Posts

National Desk 21 hours ago
National

മുത്തശ്ശിക്ക് അന്ത്യചുംബനം നല്കാന്‍ കഴിയാത്ത വിധം സർക്കാരിന് ഞാൻ ക്രിമിനലാണ്- സംവിധായിക ലീനാ മണിമേഖലൈ

More
More
National Desk 1 day ago
National

ആര്‍ ജെ ഡിക്ക് 18 മന്ത്രിമാരെ വേണമെന്ന് തേജസ്വി യാദവ്

More
More
National Desk 1 day ago
National

ഇടയ്ക്കിടെ പോയി വരേണ്ട, എന്റെ വീട്ടില്‍തന്നെ ഓഫീസുകള്‍ തുറന്നോളു; കേന്ദ്ര ഏജന്‍സികളെ പരിഹസിച്ച് തേജസ്വി യാദവ്

More
More
National Desk 1 day ago
National

അതിജീവിതയെ മാനസികമായി തളര്‍ത്തരുത് - വിചാരണയ്ക്ക് മാര്‍ഗ നിര്‍ദ്ദേശങ്ങളുമായി സുപ്രീംകോടതി

More
More
National Desk 1 day ago
National

രാജീവ് ഗാന്ധി വധക്കേസില്‍ മോചനമാവശ്യപ്പെട്ട് നളിനി സുപ്രീംകോടതിയെ സമീപിച്ചു

More
More
National Desk 1 day ago
National

മൃഗങ്ങള്‍ പോലും കഴിക്കില്ല; ഉത്തര്‍പ്രദേശില്‍ ഭക്ഷണത്തിന് ഗുണനിലവാരമില്ലെന്ന് പരാതി പറഞ്ഞ് കരയുന്ന പൊലീസുകാരന്റെ വീഡിയോ വൈറല്‍

More
More