കൊവിഡിനെ തോല്പ്പിച്ച് 17-ാം ജന്മദിനം ആഘോഷിക്കാന് പോവുകയാണ് ഫ്രഞ്ച് കന്യാസ്ത്രീ കൂടിയായ ആന്ഡ്രേ മുത്തശ്ശി. യൂറോപ്പിലെ ഏറ്റവും പ്രായം കൂടിയ വ്യക്തിയായ സിസ്റ്റര് ആന്ഡ്രേ റാന്ഡോണിന് ജനുവരി 16-ന് കൊവിഡ് സ്ഥിരീകരിച്ചെങ്കിലും രോഗലക്ഷണങ്ങളൊന്നും തന്നെ ഉണ്ടായിരുന്നില്ല. തനിക്ക് അസുഖം ഉണ്ടായിരുന്നതായി പോലും തോന്നിയില്ലെന്നായിരുന്നു അവരുടെ പ്രതികരണം.
ആദ്യ പരിശോധനയില് ഫലം നെഗറ്റീവായിരുന്നെങ്കിലും ആന്ഡ്രേ ക്വാറന്റൈനില് പോവുകയും പിന്നീട് നടന്ന പരിശോധനയില് രോഗം സ്ഥിരീകരിക്കുകയായിരുന്നു. കാഴ്ച്ചശക്തിയില്ലാത്ത ആന്ഡ്രേ വീല്ചെയറിലിരുന്നാണ് യാത്ര ചെയ്യുന്നത്. തന്റെ രോഗവിവരത്തെക്കുറിച്ചല്ല മറിച്ച് ഭക്ഷണം, ഉറക്കം തുടങ്ങിയ ശീലങ്ങള് മാറ്റേണ്ടിവരുമോ എന്നാണ് അവര് ചോദിച്ചതെന്ന് സെയ്റ്റ് കാതറീന് റിട്ടയര്മെന്റ് ഹോം വക്താവ് ഡേവിഡ് ടവെല്ല പറഞ്ഞു.
രോഗത്തെക്കുറിച്ചുളള ഭയം തീരെ പ്രകടിപ്പിച്ചിരുന്നില്ല, മറ്റുളളവരുടെ ആരോഗ്യത്തെക്കുറിച്ചായിരുന്നു സിസ്റ്റര്ക്ക് ആശങ്കയെന്നും ഡേവിഡ് ടവെല്ല പറഞ്ഞു. 1904 ഫെബ്രുവരി 11-നാണ് സിസ്റ്റര് ആന്ഡ്രേ ജനിച്ചത്. യൂറോപ്പിലെ ഏറ്റവും പ്രായം കൂടിയ വ്യക്തിയും ലോകത്തിലെ ഏറ്റവും പ്രായം കൂടിയ രണ്ടാമത്തെ വ്യക്തിയുമാണ് ആന്ഡ്രേ റാന്ഡോണ്.