കേന്ദ്രസര്ക്കാര് നടപ്പിലാക്കുന്ന മൂന്ന് കാര്ഷികപരിഷരിഷ്ക്കണ നിയമങ്ങള്ക്കെതിരെയുള്ള സമരം ശക്തിപ്പെടുത്തുന്നതിന്റെ ഭാഗമായി കര്ഷകസംഘടനകള് ഇന്ന് രാജ്യവ്യാപകമായി നാല് മണിക്കൂര് ട്രെയ്ന് തടയല് സമരം നടത്തും. ഉച്ചയ്ക്ക് 12 മണി മുതല് വൈകീട്ട് 4 മണി വരെയാണ് കര്ഷകര് സമരം നടത്തുന്നത്. സമരം പൂര്ണ്ണമായും സമാധാനപൂര്വ്വമായിരിക്കുമെന്നും യാത്രക്കാര്ക്ക് ലഘുഭക്ഷണവും പാനീയങ്ങളും വിതരണം ചെയ്യുമെന്നും കിസാന് ആന്തോളന് കമ്മിറ്റി വക്താവ് ജഗ്തര് സിംഗ് ബജ്വ മാധ്യമങ്ങളോട് പറഞ്ഞു.
ചര്ച്ച പുനഃരാരംഭിക്കാന് തയാറാകണമെന്ന് കര്ഷകരോട് പ്രധാനമന്ത്രി നരേന്ദ്ര മോദി ലോക്സഭയില് ആവശ്യപ്പെട്ടിരുന്നു. കേന്ദ്ര സര്ക്കാര് നിയമം പിന്വലിക്കില്ലെന്ന് സൂചിപ്പിച്ചതോടെ പ്രക്ഷോഭം ശക്തമാക്കാന് തങ്ങള് നിര്ബന്ധിതരായിരിക്കുകയാണെന്ന് കര്ഷക മോര്ച്ച പ്രതികരിച്ചു. ഫെബ്രുവരി 6ന് കര്ഷകര് റോഡ് ഉപരോധിച്ചുകൊണ്ട് പ്രതിഷേധിച്ചിരുന്നു. വരും ദിവസങ്ങളില് കര്ഷകര് ആസൂത്രണം ചെയ്യുന്ന പ്രതിഷേധ പരിപാടികള്ക്കായി ഇന്നുമുതല് കൂടുതല് കര്ഷകര് ദില്ലിയിലേക്ക് എത്തിത്തുടങ്ങുമെന്നാണ് വിവരം.
Also Read
അതേസമയം കര്ഷകസമരവുമായി ബന്ധപ്പെട്ട ഗ്രെറ്റ തുന്ബര്ഗിന്റെ ടൂള് കിറ്റ് കേസില് അറസ്റ്റിലായ പരിസ്ഥിതി പ്രവര്ത്തക ദിഷ രവിയെ ഇന്ന് കോടതിയില് ഹാജരാക്കും. ദിഷയുടെ അഞ്ച് ദിവസത്തെ കസ്റ്റഡി കാലാവധി ഇന്ന് അവസാനിക്കും. ടൂള് കിറ്റ് കേസില് അറസ്റ്റിലായ മലയാളി പരിസ്ഥിതി പ്രവര്ത്തത നിഖിത ജേക്കബിന്റെ അറസ്റ്റ് തടഞ്ഞുകൊണ്ട് കോടതി ഇന്നലെ ഉത്തരവിട്ടിരുന്നു.