ഇന്ധനവിലയില്‍ പ്രതിഷേധിച്ച് മധ്യപ്രദേശില്‍ കോണ്‍ഗ്രസ് എംഎല്‍എമാരുടെ സൈക്കിള്‍ റാലി

ഭോപ്പാല്‍: രാജ്യത്ത് വര്‍ദ്ധിച്ചുവരുന്ന ഇന്ധനവിലക്കെതിരെ മധ്യപ്രദേശില്‍ കോണ്‍ഗ്രസ് എംഎല്‍എമാരുടെ സൈക്കിള്‍ റാലി. നിയമസഭയില്‍ ബജറ്റ് സമ്മേളനത്തില്‍ പങ്കെടുക്കാന്‍ സൈക്കിളുകളില്‍ വന്നായിരുന്നു കോണ്‍ഗ്രസ് എംഎല്‍എമാരുടെ പ്രതിഷേധം. കോണ്‍ഗ്രസ് എംഎല്‍എമാരായ പിസി ശര്‍മ്മ, ജിതു പട്വാരി, കുനാല്‍ ചൗദരി, ശശാങ് ഭാര്‍ഗവ, ആരിഫ് മസൂദ് തുടങ്ങിയവര്‍ നഗരത്തിലെ വ്യാപം സ്‌ക്വയറില്‍ നിന്നാണ് നിയമസഭാ മന്ദിരത്തിലേക്ക് സൈക്കിള്‍ ചവിട്ടിയെത്തിയത്.

കഴിഞ്ഞ യുപിഎ ഭരണകാലത്ത് അന്താരാഷ്ട്ര വിപണിയില്‍ ക്രൂഡ് ഓയിലിന്റെ വില ഉയര്‍ന്ന സാഹചര്യത്തിലും രാജ്യത്ത് പെട്രോള്‍, ഡീസല്‍, എല്‍പിജി നിരക്ക് കുറവായിരുന്നു. എന്നാല്‍ ഇപ്പോള്‍ ക്രൂഡ് ഓയിലിന്റെ വില കുറവായിരിക്കുമ്പോഴും ഇന്ധനവില ഉയര്‍ന്ന നിരക്കിലാണെന്ന് പിസി ശര്‍മ്മ പറഞ്ഞു. യുപിഎ ഭരണകാലത്ത് ഇന്ധനവില വര്‍ദ്ധനക്കെതിരെ സൈക്കിളോടിച്ച് പ്രതിഷേധിച്ച മധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാന്‍ ഇപ്പോഴും സൈക്കിളോടിക്കണം എന്നും അദ്ദേഹം ആവശ്യപ്പെട്ടു.

അതേസമയം, കഴിഞ്ഞ കോണ്‍ഗ്രസ് ഭരണകാലത്ത് സംസ്ഥാനത്ത് പെട്രോളിനും ഡീസലിനുമുളള മൂല്യവര്‍ധിത നികുതി വര്‍ദ്ധിപ്പിച്ചിരുന്നതായി മധ്യപ്രദേശ് മെഡിക്കല്‍ എജ്യുക്കേഷന്‍ മന്ത്രി വിശ്വാസ് സാരംഗ് പറഞ്ഞു. മാധ്യമങ്ങളുടെ ശ്രദ്ധ പിടിച്ചുപറ്റാനുളള കോണ്‍ഗ്രസ് നേതാക്കളുടെ നാടകമാണ് സൈക്കിള്‍ റാലിയെന്നും പ്രതിഷേധം യഥാര്‍ത്ഥമാണെങ്കില്‍ അവര്‍ എല്ലാ ദിവസവും സൈക്കിള്‍ ഓടിക്കണമെന്നും അദ്ദേഹം പറഞ്ഞു.മാര്‍ച്ച് 26-വരെയാണ് മധ്യപ്രദേശ് നിയമസഭയില്‍ ബജറ്റ് സമ്മേളനം.

Contact the author

National Desk

Recent Posts

National Desk 5 hours ago
National

മുല്ലപ്പെരിയാര്‍ അണക്കെട്ടിന്‍റെ ശില്പിക്ക് ബ്രിട്ടണില്‍ സ്മാരകം പണിയുമെന്ന് സ്റ്റാലിന്‍

More
More
National Desk 6 hours ago
National

നടന്‍ സോനു സൂദിന്റെ സഹോദരി പഞ്ചാബില്‍ നിന്ന് കോണ്‍ഗ്രസ് സ്ഥാനാര്‍ഥിയായി മത്സരിക്കും

More
More
National Desk 1 day ago
National

പഞ്ചാബിലെ മുതിര്‍ന്ന കോണ്‍ഗ്രസ് നേതാവ് യോഗീന്ദര്‍ സിംഗ് മാന്‍ ആം ആദ്മി പാര്‍ട്ടിയില്‍

More
More
Web Desk 1 day ago
National

അഖിലേഷുമായുള്ള സഖ്യശ്രമം പരാജയപ്പെട്ടത് ദളിതരോടുള്ള അവഗണന മൂലം- ചന്ദ്രശേഖര്‍ ആസാദ്

More
More
Web Desk 1 day ago
National

പൊലീസ് വാഹനമിടിച്ച് മരിച്ച ജീവനക്കാരന്റെ കുടുംബത്തിന് പത്ത് ലക്ഷം രൂപ ധനസഹായം പ്രഖ്യാപിച്ച് സൊമാറ്റോ

More
More
Web Desk 1 day ago
National

ആം അദ്മി പഞ്ചാബ് മുഖ്യമന്ത്രിയെ ഫോണ്‍ വഴിയുള്ള നിര്‍ദ്ദേശത്തിലൂടെ തീരുമാനിക്കും

More
More