കണ്ണൂര്: കണ്ണൂരിലെ ആർഎസ്എസ് നേതാവ് കതിരൂർ മനോജിനെ കൊലപ്പെടുത്തിയ കേസിൽ ഒന്നാം പ്രതി വിക്രമൻ അടക്കം 15 പ്രതികൾക്ക് ഹൈക്കോടതി ഉപാധികളോടെ ജാമ്യം അനുവദിച്ചു. കണ്ണൂർ ജില്ലയിൽ പ്രവേശിക്കരുത്, സാക്ഷികളെ സ്വാധീനിക്കരുത് തുടങ്ങിയവയാണ് ഉപാധികൾ. യുഎപിഎ ചുമത്തപ്പെട്ട് അഞ്ച് വര്ഷത്തിലേറെയായി പ്രതികള് ജയിലില് കഴിയുകയായിരുന്നു.
2014 ലാണ് ആര്എസ്എസ് നേതാവ് കതിരൂർ മനോജിനെ കൊല്ലപ്പെട്ടത്. 2014 സെപ്റ്റംബർ 11-ന് വിക്രമൻ അറസ്റ്റിലായി. കേസിൽ പി ജയരാജൻ അടക്കമുള്ള 15 പ്രതികൾക്ക് ഹൈക്കോടതി നേരത്തെ ജാമ്യം അനുവദിച്ചിരുന്നു. യു.എ.പി.എ അനുസരിച്ചുള്ള കുറ്റം ചുമത്താന് സി.ബി.ഐ.ക്ക് അനുമതി നല്കിയ കേന്ദ്രസര്ക്കാര് നടപടിക്കെതിരെ പി.ജയരാജന് അടക്കമുള്ള പ്രതികള് നല്കിയ ഹര്ജി ഹൈക്കോടതി ഡിവിഷന് ബെഞ്ച് നേരത്തെ തള്ളിയിരുന്നു.