ഡല്ഹി: തെരഞ്ഞെടുപ്പ് നടക്കുന്ന കേരളം, തമിഴ്നാട്, പുതുച്ചേരി, ആസാം, പശ്ചിമ ബംഗാള് എന്നീ സംസ്ഥാനങ്ങളില് നടത്തിയ സര്വ്വേയിലാണ് മുഖ്യമന്ത്രി പിണറായി വിജയന് മുന്നിലെത്തിയത്. കേരളത്തില് 72. 92% പേര്ക്കും തങ്ങളുടെ സര്ക്കാരില് വിശ്വാസമുണ്ട് എന്നാണ് ഐ എ എന് എസ് - സിവോട്ടര് സര്വ്വേ ഫലം നല്കുന്ന സൂചന. ഇതില് മുഖ്യമന്ത്രി പിണറായി വിജയനില് 'വളരെയധികം' സംതൃപ്തി രേഖപ്പെടുത്തിയിരിക്കുന്നത് 53. 08% പേരാണ്.
പശ്ചിമ ബംഗാളില് മുഖ്യമന്ത്രി മമത ബാനര്ജിയില് വളരെയധികം' സംതൃപ്തി രേഖപ്പെടുത്തിയിരിക്കുന്നത് 45.82% പേരാണ്. അതേസമയം പശ്ചിമ ബംഗാള് സര്ക്കാരില് 57.5% പേര് സംതൃപ്തി രേഖപ്പെടുത്തിയിട്ടുണ്ട്. ഇത് ബിജെപിയുടെ കണക്കുകൂട്ടലുകള് തെറ്റിക്കുന്നതാണ്. ഐ എ എന് എസ് - സിവോട്ടര് സര്വ്വേ ഫലപ്രകാരം പശ്ചിമ ബംഗാളില് മുഖ്യമന്ത്രി മമത ബാനര്ജിക്ക് ഭരണത്തുടര്ച്ചയുണ്ടാകാനാണ് സാധ്യത.
അസമില് മുഖ്യമന്ത്രി സര്ബാനന്ദ സോനോവാള് സര്ക്കാരില് 58.27% പേര്ക്ക് തൃപ്തിയുണ്ട്. സര്വേ പ്രകാരം അസമില് ഭരണത്തുടര്ച്ചയുണ്ടാകാനാണ് സാധ്യത.
തമിഴ്നാട്ടിലാണ് മുഖ്യമന്ത്രിക്ക് ഏറ്റവും കുറഞ്ഞ ജനപ്രീതി രേഖപ്പെടുത്തിയിരിക്കുന്നത്. മുഖ്യമന്ത്രി എടപ്പാളി പളനിച്ചാമിക്ക് വെറും 16% പേരാണ് 'വളരെയധികം' സംതൃപ്തി രേഖപ്പെടുത്തിയിരിക്കുന്നത്.
പുതുച്ചേരിയില് രാജിവെച്ച് പുറത്തുപോയ മുഖ്യമന്ത്രി വി നാരായണ സ്വാമിയുടെ മന്ത്രിസഭയെക്കുറിച്ച് 27% പേര്ക്കും ഒന്നും പറയാനില്ല. അതേസമയം 18.23% 'വളരെയധികം' സംതൃപ്തി രേഖപ്പെടുത്തിയിരിട്ടുണ്ട്.