ജനീവ: കൊവിഡിനെ ഈ വര്ഷം കഴിയുമ്പോഴേക്കും തുരത്താമെന്നത് പ്രായോഗികമായി നടക്കുന്ന കാര്യമല്ലെന്ന് ലോകാരോഗ്യ സംഘടന. എന്നാല് കൊവിഡിനെതിരായ വാക്സിനുകളുടെ വരവ് കൊവിഡ് ബാധിച്ചുള്ള മരണങ്ങളിലും, ആശുപത്രിയില് പ്രവേശിപ്പിക്കുന്നവരുടെ എണ്ണത്തിലും ഗണ്യമായ കുറവുണ്ടാക്കുമെന്നും ലോകാരോഗ്യ സംഘടന എമര്ജന്സീസ് പ്രോഗ്രാം ഡയരക്ടര് ഡോ. മിഖായേല് റയാന് പറഞ്ഞു.
നിലവില് കൊവിഡ് വ്യാപന നിരക്ക് കുറയ്ക്കുകയായിരിക്കണം എല്ലാ രാജ്യങ്ങളുടെയും ശ്രദ്ധ. തുടരെ വാക്സിനുകള് വരുന്നത് രോഗ്യവ്യാപനത്തിന്രെ തോത് കുറയ്ക്കുമെന്നും അദ്ദേഹം പറഞ്ഞു. നമ്മുടെ കഴിവുകളത്രയും പുറത്തെടുത്താല് മാത്രമേ ഈ വര്ഷാവസാനത്തോടെയെങ്കിലും നമുക്ക് മഹാമാരിയെ പിടിച്ചുകെട്ടാന് സാധിക്കൂ - ഡാ. മിഖായേല് റയാന് പറഞ്ഞു.
അതേസമയം കൊവിഡിന്റെ വവഭേദങ്ങള് രൂപപ്പെടുന്നത് ആശങ്കയുണ്ടാക്കുന്നുണ്ട്. ഈ സാഹചര്യത്തില് രോഗ നിയന്ത്രണത്തില് ഉറപ്പു പറയാന് സാധിക്കില്ലെങ്കിലും നിലവില് വൈറസ് വളരെയധികം നിയന്ത്രണ വിധേയമാണ് എന്നും അദ്ദേഹം പറഞ്ഞു.