ചെന്നൈ: രാഹുല് ഗാന്ധിയെ തമിഴ്നാട് തെരഞ്ഞെടുപ്പ് പ്രചാരണത്തില് നിന്ന് വിലക്കണമെന്ന ആവശ്യവുമായി ബിജെപി. രാഹുലിനെ വിലക്കണമെന്നാവശ്യപ്പെട്ട് ബിജെപി തമിഴ്നാട് നേതൃത്വം തെരഞ്ഞെടുപ്പ് കമ്മീഷന് പരാതി നല്കിയിട്ടുണ്ട്. വിദ്വേഷമുണ്ടാക്കുകയെന്ന ഉദ്ദേശത്തോടുകൂടെ വിദ്യാര്ത്ഥികളോടും യുവാക്കളോടും സമരത്തിനിറങ്ങണമെന്നാവശ്യപ്പെട്ടു എന്നും രാഹുല് പെരുമാറ്റച്ചട്ടം ലംഘിച്ചു എന്നുമാണ് ബിജെപി ആരോപിക്കുന്നത്.
കന്യാകുമാരി സെന്റ് ജോസഫ് മെട്രിക് സ്കൂളില് വച്ച് രാഹുല് ഗാന്ധി നടത്തിയ പ്രചാരണപ്രസംഗം മാതൃകാ പെരുമാറ്റച്ചട്ടത്തിന്റെ ലംഘനമാണ് എന്ന് ബിജെപി നേതാവ് വി ബാലചന്ദ്രന് പറഞ്ഞു. രാഹുലിനെതിരെ എഫ്ഐആര് രജിസ്റ്റര് ചെയ്യാന് നിര്ദേശിക്കണമെന്നും ബിജെപി തെരഞ്ഞെടുപ്പ് കമ്മീഷനോട് ആവശ്യപ്പെട്ടിട്ടുണ്ട്.
രാജ്യത്ത് ഇപ്പോഴുളളത് സ്വാതന്ത്ര്യം ലഭിക്കുന്നതിനു മുന്പുളള സാഹചര്യമാണ്, അതിനെ നേരിടാന് രാജ്യത്തെ യുവാക്കള് ബ്രിട്ടീഷുകാരെ നേരിട്ട രീതിയില് സമരത്തിനിറങ്ങണമെന്നും ആയിരുന്നു രാഹുലിന്റെ പ്രസ്താവന.